第 44 屆香港電影金像獎頒獎禮剛圓滿落幕，繼上年憑《破．地獄》封后，衛詩雅 (Michelle) 今年再憑《再見UFO》奪得「最佳女配角」，連續兩年踏上金像獎頒獎台。Michelle 近年演技成熟，頻頻成為頒奬禮常客，之前已經集齊香港電影導演會、亞太影展，華鼎獎等大獎，成為少數完成「大滿貫」的香港女演員。今次再下一城，難怪她笑說下年要挑戰歌曲獎項。

Source: 英皇娛樂

當晚頒獎禮圓滿結束後，英皇集團主席楊受成博士即為 Michelle 舉行 after party 慶祝。派對現場星光熠熠，英皇旗下歌手藝人幾乎總動員出動，包括霍汶希 (Mani)、陳家樂 (Carlos)，曾比特 (Mike)、何佩瑜 (Jeana)、楊天宇 (Angus)、女團 VIVA、海兒 (Hedy)、李靖筠 (Gladys)、黃明德 (Dark)、黎展峯 (Andy)、郭思 (Suey)、劉若寶 (Polly)、黎峻 (Kenneth)、朱天亦到場，場面墟冚。

曾比特、陳家樂合唱〈活着 VIVA〉爆高潮

Michelle 一踏入會場，全場即時尖叫歡呼。而全晚最高潮的一刻，莫過於曾比特 (Mike) 跟陳家樂孖住上台，合唱謝霆鋒的〈活着VIVA〉，全場即時陷入瘋狂，個個跟住又跳又唱，將派對氣氛推向最高峰。

Michelle 事後仍難掩興奮，又特別感謝楊博士及公司上下的支持：「老闆特登搞 party，成班兄弟姊妹仲全部嚟齊，開心又感動。」。問到 Michelle 得獎後接受記者訪問時表示想挑戰歌曲獎項，Michelle 表示只是開玩笑：「唱主題曲當然係講笑啦，簡直覺得自己口出狂言，唔想因為自己嘅歌聲而影響到電影票房，之後都係想繼續以演戲為重心，繼續等待唔同嘅角色，舞台劇亦都係其中一樣嚟緊想嘗試嘅項目！」