泳兒 (Vincy) 今日推出全新廣東作品〈散光〉，繼續發揮她拿手的慘情歌功力。不過今次 Vincy 不止得唱，她更首次挑戰擔任 MV 導演，跟 Sheng 聯合執導，自己兼任女主角，導、演一手包辦。

Source: 英皇娛樂

MV 中 Vincy 有爆喊情節，她透露這場喊戲屬真材實料：「真喊，爆喊，一take過！當日全日都有準備定情緒，喊之前都有飲少量酒精幫助投入。」又笑言：「因為我知道每次唱〈純情有罪〉都會喊，如果要拍爆喊嘅鏡頭，係一定要唱呢隻歌，或者好 focus 諗歌詞，所以應該都 OK 啩，我都喊到而家得返半隻眼。」

〈散光〉由迪子作曲、黃偉文 (Wyman) 填詞、蘇道哲編曲及監製。Vincy 透露今次同 Wyman 傾過，想放關於自己入行 20 年的感受入歌詞中，結果 Wyman 寫了一句「有誰來愛我  再廿年  亦有機會  抽中我」，歌名呼應 Vincy 以往的作品，同時巧妙扣連出道二十年的節點。

Vincy 亦親自解畫〈散光〉的意思：「其實係想借用人眼睛有『散光』呢個狀態，睇嘢睇得好唔清楚，所有嘢本身好有瑕疵，但就因為睇唔清楚，就覺得佢好靚，比喻喺愛情路上，可能都會因為睇唔清楚，而揀咗一啲本身其實可能唔適合嘅人，但你就以為佢好啱、好完美。」

她還提到歌詞「你是誰  重要麼  難受早已過」，令她想起以前的不開心事，但已成過去：「啱啱入行，廿年前，所有嘢都係好美好，當人經歷多咗嘅時候，你就會覺得，世界唔係所有事情都好似小時候睇得咁完美，但都係成長嘅一個過程。」

泳兒 -〈散光〉(Official Music Video)：