由林小强及劉浩良監製，《樹大招風》、《神探大戰》兩屆金像編劇得主麥天樞執導兼編劇，雲集多位新生代影壇大獎級演員陣容，包括白只、麥沛東、梁雍婷、戴玉麒、廖子妤、謝君豪、鮑起靜、謝咏欣、伍詠詩、鄧月平、楊偉倫、盧宛茵、朱栢謙、蘇宸褕 (灰熊) 及徐偉棟等參演，電影《一個部門的誕生》將於 6 月 18 日上映。

廖子妤大歎 Lucky 超享受親身飾演電視台吉祥物

廖子妤

電影於鑽石山荷里活廣場舉行首映禮，一眾主創現身為電影上映前進行大型宣傳。眾人於台上介紹角色，出爐影后廖子妤笑言：「我喺戲入面飾演嘅角色叫做 Lucky，係電視台嘅宣傳人員，會著住 HAPPY 仔吉祥物嘅衫，周圍去派傳單，藍色頭髮嗰個就係我。呢部戲我好開心可以參與，同大家一齊拍戲嘅十幾日生活好開心好 Lucky！」白只簡單分享：「我喺戲入面飾我飾演客戶服務主任，處理 CS 部份。」

白只

導演麥天樞、白只

梁雍婷為電影 cut 短秀髮自信從容演破案神探

麥沛東

戲中被觀眾激讚1勁多笑點的麥沛東指：「我嘅角色叫肥波，係一個便衣警察，佢喺返工嘅時候蛇王去咗 cut 台，所以就遇到呢件事。」而女主角梁雍婷則大呼輕鬆：「我喺電影入面飾演山姐，為咗故事 cut 咗頭髮，係一個破案神探。我唔緊張㗎，我覺得自己好從容，我諗觀眾可以入場睇下我到底緊唔緊張。」至於首度主演電影的戴玉麒則指：「我飾演德仔，我個角色因為嫲嫲申請咗收費電視，我要去幫佢 cut 台，當然唔係咁容易 cut 到，想知道入面發生咩事？就一定要入戲院睇喇！」

梁雍婷

戴玉麒

至於首執導筒的導演麥天樞謙虛表示：「原來以為 cut 台已經好難，點知原來拍戲仲難，好彩我哋導演組好齊心，因為我哋嘅主演數目同足球隊相若，每個拍攝日以不同陣式協調演員，一齊以踢好一場波嘅心態去做好一件事。」至於監製劉浩良則笑言：「有啲嘢你想 cut 係應該要 cut 到嘅，但係有啲嘢反而係唔應該 cut 到嘅，好似係預算喇，好彩我哋嘅老闆寰宇娛樂係冇 cut 我哋預算嘅。」

為配合電影「cut 台」主題，首映禮更安排別開生面剪綵儀式，特別以「cut 台」cut 斷電話線的形式，呈現在數百現場觀眾眼前，令人眼前一亮。而不少圈中友好更現身力撐，包括金像影后余香凝、談善言、林子傑、肥腸、蘇家樂、徐頴堃、導演陳茂賢、導演吳煒倫、導演陳詠燊、導演黃修平、導演簡君晋及導演趙善恆等。

鄧月平

伍詠詩

謝咏欣

電影《一個部門的誕生》由寰宇娛樂有限公司、廣州市英明文化傳播有限公司、香港電影發展基金及文創產業發展處、尚乘數字媒體有限公司、上海愛美影視文化傳媒有限公司、蘇州宇墨映畫影視文化傳媒有限公司出品，寰宇縱橫世紀電影發行 (北京) 有限公司、寰宇影片發行有限公司、青島英明影業有限公司聯合出品。