Gareth.T 與 MC張天賦 首度合體推出新歌〈金童子〉，新歌曲風以 60 年代復古的 doo-wop/Motown 音樂為靈感，將經典靈魂樂旋律與現代節奏完美融合。編曲採用電鋼琴、結他、鋼琴及充滿律動感的鼓點，營造出既懷舊又充滿動感的溫暖氛圍。

歌詞亦巧妙運用「黃金」代表 — 鍍金、金盃、金童 諷刺浮誇的外在包裝，同時高呼「毋用你擦亮都會發亮，真實便完美」，傳達「真金不怕火煉」的自信態度。

Source: Warner Music HK

問到二人今次合作契機，Gareth 立即鬼馬地說：「你地 (華納同事) 阿！你哋話我同 MC 出首歌，整完喇我地首歌，拍埋 MV 喇！」他亦有分享歌詞是 Wyman 自上年他們於各頒獎禮獲獎後有感而發，而作曲靈感，Gareth 則風趣地說：「瞓覺起身諗到！」

MV 向 60 年代歌曲MV致敬，兩位「華納舞王」穿上一身踢死兔加上沙塵十足的舞步，MV 結尾圍圈跳舞場面，玩味十足，配埋「Woo Woo Woo 閃爆你」ad-lib，超級歡樂！

問到跳舞部分是否身為 MV 導演的 Gareth 要求？Gareth 立即指著 MC 說：「好似係你問我㗎喎！」MC 亦搞笑回應：「係咩？係咁嘅，因為一開頭佢就話俾我聽舞台效果會有咩燈光、係一個點樣嘅場地，於是乎我就話咁不如我哋跳埋舞啦，點知就認真咗⋯⋯ 咁咪跳舞囉！」

二人互笠高帽大讚對方舞技有 120 分！MC 更大讚 Gareth 是他合作過最好的導演，他說：「拍過咁多 (ＭＶ) 導演，佢係最好嘅導演，因為快收工、所有嘢都準備充足、又輕鬆，同埋成件事出嚟好有型，應該好耐冇呢類型嘅 MV 喇！」

Gareth.T & MC 張天賦 – 〈金童子〉(Official Music Video)：

〈金童子〉MV 幕後花絮：