Gordon Flanders 推出新歌〈溝之口 沒有 藤井風〉，由 Gordon Flanders 及 PLAYGROUND 作曲、黃偉文 (Wyman) 填詞，PLAYGROUND 及 Gordon Flanders 編曲及監製。這首 City Pop 風格的甜蜜情歌，滿載日本都市的復古氣息，靈感源自 Gordon 早年在日本留學拍拖時的真實經歷 — 黃偉文「借題發揮」，將這個經歷與「能在溝之口遇見藤井風」的都市傳聞巧妙結合，為歌曲添上輕鬆有趣的層次。

Source: Warner Music HK

他說：「我首新歌叫做〈溝之口 沒有 藤井風〉，『溝之口』係日本一個車站，相信大家已經好熟悉『藤井風』，咁點解會 link up 到『溝之口』同埋『藤井風』呢兩樣嘢去做一首情歌呢？其實係我同 Wyman 之間傾嘅一個題材，首歌就係描述我好期待太太快啲收工可以一齊返屋企嘅心情，嗰陣時我喺日本有個 routine 就係每日喺『溝之口』站返學，放學之後就返屋企先，等到我老婆夜晚放工，我又會去返呢個車站接佢，咁至於點解有『藤井風』嘅出現呢？其實係『溝之口』一個小小嘅傳說嚟，有傳話佢就係住喺『溝之口』呢個站，但我哋兩個都冇喺『溝之口』見過藤井風，咁 Wyman 就覺得我呢個分享好得意，於是就出現呢個歌名喇！我覺得好得意因為個名一開頭睇一定會被佢吸引，所以我覺得佢改呢個名係好有諗法同埋好 eye catching！」

Gordon Flanders 一向愛妻，亦曾推出不少歌曲向太太「示愛」，新歌關於當年與太太留日生活的點滴，問到會否與愛妻重遊舊地回憶一番？他竟然耍手擰頭，他笑言：「舊地重遊我自己都未必話想特別返去，因為我每次返去東京都感覺似去返學多過旅行，令我諗返起嗰陣返學好苦悶嘅生活，反而可能去日本其他地方玩！」

Gordon Flanders – 溝之口 沒有 藤井風 (Official Music Video)：

日前他到旺角麥花臣場館出席「麥花臣節 2026」，宣佈將於 4 月 18 日舉行 《Gordon Flanders “New Classics Live 2026”》，他亦有透露新碟進度及提前預告演唱會驚喜：「新碟進度係十分之良好，如無意外就應該會喺演唱會之前 1 至 2 個星期推出啦！演唱會方面我覺得大家對我嘅既定印象就係我會玩吉他，但係我仲有另一個特別技能嘅，只係我一路都冇用過呢一樣樂器，可以透露少少，就係一啲「吹奏類」嘅樂器但唔係木童笛呀，呢一樣嘢係我以前中學已經有苦練過！同埋我嚟緊有一首 side track 歌，入面嘅編曲我會吹呢一樣樂器嘅！可以率先喺度透露俾大家知先！」

〈溝之口 沒有 藤井風〉MV 幕後花絮：