【音樂圈】華納 School Tour — Gareth.T 再現「令山轉」，MC 張天賦宣傳 11.19 舉行《#Project 1201 Live in Macau》演唱會

2025 年 11 月 12 日

華納唱片聯乘香港六間大專院校音樂學會及學生事務處合辦《Warner Music Hong Kong SCHOOL TOUR 2025》，第一輪日前正式圓滿結束！今年演出陣容包括 Dear Jane、MC張天賦、陳蕾、洪嘉豪、CONSTANCE 康堤、Gareth.T 湯令山、Kiri T 、moon tang、Nancy Kwai、Gordon Flanders、Gigi 張蔓姿、Zpecial 及 Lewsz。身為華納大師兄 Dear Jane 表示每年全公司上上下下一同走到各大校園演出也很開心，尤其看見同學們由他們「試聲」時已全場大合唱，覺得超級熱血！

Source: Warner Music HK

Kaho 在演唱其新歌〈下世愛你〉時，被現場學生大叫「洪嘉豪！我愛你！」嘉豪不禁笑場並問：「你講咩話？」立即全場不斷大叫「洪嘉豪！我愛你呀！」、「洪嘉豪！你好靚仔呀！」嘉豪更於台上分享將於 11 月下旬推出全新個人專輯，他搞笑地說：「11 月推出隻碟叫『Canvas』入面有 6 首歌，洪嘉豪作曲嘅歌有六首歌！洪嘉豪填詞嘅歌都有 5 首歌！仲有一首係洪嘉豪編曲嘅！絕對係我內心嘅誠意及才華之作！」

陳蕾、CONSTANCE 康堤、Gigi、Gordon Flanders 及 Lewsz 亦於 School Tour 首度現場分別演繹新歌〈天損之人〉、〈Story That Never Ends〉、〈BABY YOU SO SWEET〉、〈全世界停電第二年〉及〈Bad Guy〉，學生們大飽耳福！紛紛舉機拍攝；Nancy演唱〈Miss you in my ways〉時不斷應學生要求派心心；Gordon Flanders 演唱〈全世界停電第二年〉時走到台下有求必應，與同學逐一合照；Zpecial 演繹〈若果我們未曾遇過〉時，康聰更走到台下與學生大合唱！

CONSTANCE 康堤亦是首次參加華納大家族 school tour，一眾師兄師姐亦不忘華納 School Tour 傳統 — 黐背脊！身為華納小師妹的 CONSTANCE 康堤理所當言成為「2025 年華納 School Tour 傻豬豬」，被師兄師姐貼上整蠱貼紙上台演出！問到 CONSTANCE 康堤首次參與 School Tour 感受時大呼心情超級緊張，因為首次超近距離公開演出，師姐陳蕾亦有關心康堤，康堤認為「教大」的氣氛超級無敵爆炸好！她說：「我 (表演到) 最後好喘氣，因為我見到啲學生好興奮嘅時候我就即刻行過去！見到佢哋好興奮，我又好興奮！跟著最後我就無氣，哈哈！但我 feel 到 (自己) 越嚟越純熟，表現越嚟越好！」

陳蕾亦說：「呢啲 (喘氣) 都係現場氣氛所導致，但我聽到你話你越嚟越純熟我都覺得太好喇！希望呢個 school tour 你可以攞到多啲經驗啦！」其中中大及恒大場次 MC 更邀請 Billy Choi 一同到學校首度演唱新歌〈168.5〉，甫出場同學們便尖叫歡呼聲不斷，現場氣氛超級熱烈！

MC 與 Billy 於恒大表演場地後台直言首唱新歌好緊張！MC 說:「今日就嚟到我地 School Tour 嘅第二日喇！尋日 (中大場次) 首唱〈168.5〉，我係好緊張！」Billy 亦搞笑地說：「我都好緊張，我驚啲人喺上面望落黎見到我矮，所以我一陣係會企返上台上面唱㗎！哈哈！」

MC 唱畢後亦不忘宣傳將於 11 月 19 日舉行《#Project 1201 Live in Macau》演唱會，現場學生紛紛大叫「加場！買唔到呀！」其後 MC 風趣地介紹下一位歌手時說：「以下落黎呢位歌手，我每次都係咁 tag 佢㗎喇，哈哈！我就鐘意正面同大家唱歌，而佢就鐘意用背脊嘅！」

現場所有學生尖叫聲震耳欲聾，Gareth.T 亦順應大家演唱自推出後旋即被網民認為「年度之歌」的〈用背脊唱情歌〉，現場氣氛非常高漲，同學們的大合唱近乎蓋過音樂及原唱！Gareth 更於樹仁大學場次再一次「令山轉」！把現場氣氛推至全場最高點！不少學生高叫：「等睇你喺頒獎台上做令山轉呀！」而到 School Tour 尾站教育大學時，與 Gareth 老友鬼鬼的 Lewsz 及 Gordon Flanders 更變身「兩朵金花」於 Gareth 演出時站台，其後百厭的 Kaho 及 MC 亦走到台上搞鬼搞馬，引得全場爆笑！