Gordon Flanders 自 2024 年加入華納便推出多首包括〈沒有送出的詩〉及〈全世界停電第二年〉等為人熟悉歌曲，10 月 22 日生日的他於生日前夕推出第五首派台歌〈不要評論這首歌〉。他坦言新歌靈感來自於曾對音樂及創作失去熱情的時候，Gordon 認為，身為一位音樂人是需要無時無刻地喜歡音樂，可是有時候也會因為音樂而感到氣餒或想逃離，這種矛盾的心態曾經令他感到迷茫，質疑自己。

Source: Warner Music HK

Gordon 說：「我最近啱啱推出新歌〈不要評論這首歌〉，係由我自己寫，填詞有小克，編曲同監製係我同埋 PLAYGROUND，點解會寫〈不要評論這首歌〉呢？我諗每一位創作者應該都遇到一個煩惱，做音樂又好，可能畫畫又好，我覺得當一項興趣變成一個職業嘅時候，大家就會無意中俾自己一個壓力，我自己成日都會都唔俾自己有攰嘅時候，因為我身為一個音樂人就要無時無刻都鍾意做音樂，但其實可能呢個諗法未必係啱！」

Gordon 解釋最近做音樂的時候，發現自己有點兒失去了過去將音樂當作興趣的熱情，產生一種很矛盾的心態，本身音樂明明是他的興趣，而當變成職業之後，有時候會因為繁忙的工作量，令熱情減退，所以這首歌形容這種矛盾的心境，亦在提醒他自己，有時做音樂不用想太多，這種矛盾的心態是一種過程，聽這首歌的時候，希望自己會記得最初選擇這條路的原因。

Gordon 有分享選擇生日前夕推出這歌，希望寄語自己能夠更加相信自己，堅定自己的目標！他說：「今次呢首歌揀喺我生日前推出，希望用呢首歌去迎接一個全新嘅自己，即係 27 歲嘅 Gordon Flanders，出完呢首歌之後希望唔好對自己嘅決定有太多猶豫，多啲相信自己！亦係我今年年尾俾自己嘅一個目標！多啲相信自己！」

Gordon Flanders -〈不要評論這首歌〉(Official Music Video)：

以新造型黑髮示人

自從加入華納之後，他一直以金髮、短褲、帶有陀錶造型現身，為配合新歌主題，Gordon 將頭髮染深，以一身更成熟的造型示人，他亦有提及一直保持金髮造型令髮質受損，他說：「今次 MV 特別嘅造型，我諗大家會留意到我頭髮嘅顏色變返深色，因為我發現近呢幾年，即係我加入華納之前，如果大家認識我，我嗰陣時已經係金色頭髮，長年累月嘅漂髮令到我頭皮同髮質已經唔係好掂，咁所以為咗令到我自己 (啲頭髮) 可以行更遠嘅路，我就想休養一下我個頭髮先！今次或者往後可能一、兩年暫時大家都會見返呢個黑髮，希望大家會有新鮮感啦！」

Gordon Flanders 的社交平台一直被網民留言表示希望他可以推出個人專輯及演唱會，問到他的新碟《New Classics》進度時，他說：「〈不要評論這首歌〉就係我嘅 project《New Classics》入面嘅第 5 plug，大家應該都經常問幾時先出碟呢？應該呢首歌嘅下一 plug 即係第 6 plug 嘅時候，就會連埋隻碟一齊出啦！」

Gordon 更趁機向公司「許願」：「咁我亦都喺度許願啦！希望會有個 concert 啦！如果真係有嘅話，大家記得嚟睇啦！」

〈不要評論這首歌〉MV 幕後花絮：