湯令山 (Gareth.T) 繼大熱作品〈用背脊唱情歌〉後，推出了風格迴異的中國風歌曲〈泥菩薩〉，探討道德的矛盾，以及善惡的界線如何被環境模糊。歌曲由湯令山顆拍葉崇恩作曲、編曲、監製，融合了東亞旋律、中樂和現代製作，並由黃偉文填詞，字裡行間審視人類意圖的的矛盾之處。

Source: Warner Music HK

Gareth 講及創作由來：「旋律兩年前已經寫咗出嚟，但一直未有適合時間推出，完咗〈用背脊唱情歌〉之後 Wyman 覺得呢首歌可以係接住推出嘅歌，歌曲講善與惡都係觀點與角度嘅分別。」

Gareth 希望可以在慘情歌後，推出一首題材與風格都截然不同的歌曲：「因為網上世界好多人都會留啲好惡嘅評論，所以希望聽完首歌大家都可以反思吓，上網嘅時候唔好講啲咁坎坷 (難堪) 嘅說話，都要諗吓先講，或者從人哋嘅觀點出發去諗。」

由 Hanley Chu 執導的 MV 將這些主題置於歷史中。故事背景設定在三國時期前的漢末，Gareth 解釋因為導演好喜歡《三國演義》，所以就選了其中一個曹操為父報仇的故事作背景去拍攝。

問及首次去橫店拍古裝的 Gareth 可有感覺新奇？Gareth 說：「最新奇嘅係，原來戴假髮真係好熱！同埋拍一 take 過都幾辛苦，啲馬同人都要好配合先可以拍得成！拍咗好多次，有啲人跌咗落水，有啲人行錯位，啲馬喺唔應該出現嘅時候出現⋯⋯ 所以其實都有少少危險，最終拍咗大概十 take，揀咗其中一 take 成為現在的 MV！ 」

Gareth 直言今次是他拍過的 MV 中最大陣仗的一個，有百多人參與製作，「從來冇試過有咁多人喺我嘅 MV 度出現！希望之後可以拍更多武俠 MV  (點解？) 我想咪拍囉！哈哈！拍呢個 MV 雖然好辛苦，但我覺得十分之好玩，同埋見到拍完出嚟我都幾滿意嘅！」

gareth.t -〈泥菩薩〉(Official Music Video)：

推出新歌的同時，Gareth 亦宣佈今年 10 月 30 日將赴英國倫敦、12 月 6 日及 7 日到澳門舉行《Gareth.T – Prince of Sadness》演唱會，請密切留意主辦單位棋人娛樂 9 月18 日之公佈！

Gareth. T-〈泥菩薩〉MV 幕後花絮：