2025 年英皇男新人黃峻𤋮 (Heize Wong)，出道作品〈拖多幾百天〉今天上架。歌曲找來陳思捷作曲，褚鎮東編曲，填詞方面則交由 Oscar 負責，展現出男孩內斂暗戀一面，而監製則找來經驗豐富的舒文，陪伴 Heize 將情緒和經歷帶入歌曲，找出最適合的聲線完成錄音。

Source: 英皇娛樂

Heize 坦言與 MV 情節有相似經歷

歌曲講述暗戀好友的故事，於好友身邊守候多時，雖然自己有無盡的幻想，但寧願不走一步，都不願走錯一步，將未敢開口說的都唱給對方聽。今年十九歲的 Heize 原來亦有跟歌曲相同的經歷：「嗰個女仔係我嘅同學，我哋住得好近，之後日久生情。我哋都會做啲好似情侶嘅嘢，有少少肢體接觸，戀人未滿嘅感覺好強烈。最後我同個女仔係有一齊嘅，同 MV 故事唔同，雖然到最後都分開咗，但都係一個不錯嘅經歷。」

亦因為過去經歷，所以唱起歌時特別有感覺，特別是某幾句歌詞，例如「假裝好友」、「紛飛小雨點」，令 Heize 有感觸：「我都試過同個對象喺落雨嘅時候喺條街度玩，所以好多謝 Oscar填咗好多對我嚟講係好中嘅詞，令我好投入去唱呢首歌。」

師兄洪助昇負責拍攝 MV

出道首個 MV，Heize 和團隊極之重視，特意找來同門師兄洪助昇 (Aiden) 為 MV 執導。Aiden 近期為樂隊 Locksmiths 開鎖佬拍攝〈陪我去台北〉MV，擅長以鏡頭捕捉青春愛情感覺。今次二人合作同樣呈現 GenZ 愛情世界裏心動一刻：「好多謝師兄 Aiden 幫我拍呢個 MV，佢好好，聽咗我好多嘅意見同埋想法。」

Heize 自言性格比較害羞，首次拍 MV 要跟女主角演戲，感覺奇怪：「雖然冇乜好 close 嘅戲，因為始終可能係第一次，大家要去玩或者照跑，我都係極度不自然，所以都幾多笑場，同埋應該笑嘅時候我就笑到好唔自然，好奇怪，哈哈！」

Heize Wong 黃峻𤋮〈拖多幾百天〉(Official Music Video)：