周國賢 (Endy) 推出全新單曲〈仿生覺知〉，擺明「唔妥」AI 兼叫大家反思。今次他再次孖住老拍檔小克填詞，自己操刀作曲、編曲，聯同 Goro 一同監製，打造出這首充滿未來感的作品。

Source: 英皇娛樂

Endy 透露其實他留意 AI 發展已好幾年，尤其這一年多，幾乎是跳躍式升級，令人覺得有些工種真的可能會被取代，甚至創作領域都開始受到影響。

他分享了一個「有趣」現象：「我記得有人講過：AI 本來應該幫忙處理日常雜務，等人類專心寫詩、唱歌、創作。結果掉轉咗 — 我哋繼續洗衫煮飯，科技反而幫我哋用腦創作，真係完全顛倒晒！」

就是這種荒謬感，令他跟小克決定寫這首歌，探討 AI 究竟是真心理解人類？還是只是扮嘢模仿？Endy 信心十足地說：「我哋始終相信，無論佢點樣努力偽裝同複製，始終冇血肉，亦都冇眼淚。一旦系統失靈，佢就乜嘢都做唔到，而呢樣正正係人類永遠能夠超越佢嘅地方。」

至於會否擁抱 AI？Endy 指自己比較好奇：「諗返 2007、2008 年左右，數碼年代啱啱起步時，我曾經對音樂嘅『溫度』同未來感到不安。而家企喺 AI 年代嘅交接點，我反而多咗好奇：下一個章節會係點？定係人生根本唔需要被章節化？只要我哋仲記得自己有血有肉，未來就仍然值得期待。」

周國賢 -〈仿生覺知〉(Official Music Video)：