女團 COLLAR 成員邱彥筒 (Marf)，推出本年度首支個人單曲〈To’pA’ti〉，旋律上雖保持一貫節拍澎湃風格，但新歌卻以全英語為主，並揉合西班牙文，是繼〈心好細 <3〉英文版之後，第二支個人英語單曲；而在 MV 上，Marf 今次更大玩「戲味」，除找來多位演員參與演出，她更一人分飾兩角，實行挑戰演技。

Source: 大國文化

藉〈To’pA’ti〉帶出人生態度

新歌〈To’pA’ti〉意思代表 “everything for you”，不過這個 “everything for you” 所帶出的訊息，並非一般浪漫意指全為了你，Marf 直言歌曲所帶出的意義更深層次：「呢個 everything for you 嘅感覺，唔係你攞啦，乜都係為你，而係我唔想再在乎，冇所謂嘅感覺，歌曲中唯一嘅三個字廣東話，就係『冇所謂』，亦都係一種人生態度。」

舊班底再次合作

提到〈To’pA’ti〉的幕後製作團隊，跟單飛出道的第一首歌曲〈~Silencio…Shh〉一樣，Marf 認為感覺非常特別：「同幕後團隊相識咁多年，相隔三年再攜手合力去做歌，好似一個周期咁，對於自己嚟講，亦都好似〈~Silencio…Shh〉嘅 Level Up 版；而製作團隊中，有成員嘅母語係西班牙語，所以會大家一齊寫歌，一齊改啲英文歌詞，體驗好特別，之後我再一一教大家，其實我唱緊乜。」

MV 一人分飾兩角

在 MV 中，Marf 今次就大玩演技，一人分飾兩角，她表示：「同監製度咗個故事，仲搵咗幾個演員幫手，我就演兩個角色，一個係創意部嘅打工仔角色，另一個就係呢間公司嘅大客 — 熱狗店嘅 Boss，我哋仲精心設計 Boss 造型，以黃、紅色配搭，好似一隻熱狗咁。」

此外，Marf 將為英國殿堂級樂隊 Coldplay 香港巡唱擔任暖場嘉賓，問到 Marf 屆時會否演唱〈To’pA’ti〉？她指〈To’pA’ti〉希望將會是表演歌曲的其中一首，至於還會唱甚麼歌？Marf 笑言叫大家期待一下。

Marf 邱彥筒〈To’pA’ti〉(Official Music Video)：