女團 VIVA 成員姜咏鑫 (Ada) 於今個月生日，早前她便迎來入行後首個 fans 為她舉辦的生日應援，早前 Ada 更親身走到茶舍打卡，見到現場佈置，令她大感驚喜，大呼：「原來有咁多人錫我！」

Source: 英皇娛樂

Ada 坦言以往生日都是收到 message 或來自 fans 的 DM 祝福，生日應援是人生第一次，「今次佢哋幫我整咗個茶飲店嘅應援，有手幅、鎖匙扣、Postcard，呢啲都係第一次發生喺我身上，所以都係一個surprise！」

Ada 落舖打卡當日，有歌迷聞風而至，現場跟她唱生日歌、切蛋糕及送上禮物，Ada 坦言今年的生日感覺與以往截然不同，因為發現原來有這麼多人「錫自己」，知道歌迷於一個多月前已開始籌備，Ada 除了感動亦十分識做，當日自掏腰包請全場 fans 飲茶，以表達對他們的謝意。

她又謂在生日應援上看到很多「新」面孔最令她開心，「見到有好多新面孔，但我問返佢哋原來其實係舊面孔，係喺我之前參加比賽完嘅一個市集見過面，過咗咁多年之後，我成為女團，我生日佢哋都特登到場送上祝福， keep 住咁耐都有人支持我嘅感覺，呢一樣嘢係令到我好開心！」

至於生日願望，Ada 先大賣關子：「可能對我嚟講係好事，對其他人唔知係唔係一件好事，哈哈！」原來她的生日願望是希望將來 VIVA 每位成員的生日都在工作中渡過，她解說：「一來喺工作中渡過代表我哋有 job，同埋我哋可以一齊過生日；二來就係 Ｍani (霍汶希) 有講過生日有 job 接嘅話，係一件好事，代表嚟緊 keep 住一直有錢賺，所以我覺得係一個祝福，大家生日嘅時候不如一齊搵錢，一齊賺錢。」