衛詩雅 (Michelle) 近日除了密密為叫好叫座的電影《破．地獄》四出宣傳、謝票，將於出年二月結婚的她同時亦忙於籌備婚禮，早前她已經試過婚紗、裙褂及婚宴菜式，日前便孖住關智斌 (Kenny) 到英皇珠寶試首飾。二人身為婚嫁系列的全新代言人，作為師兄的 Kenny 表示要送上小禮物，更豪言：「揀啦！」Michelle 純時心花怒放。

Source: 英皇娛樂

二人在店舖邊選購首飾邊傾偈，Kenny 問 Michelle 她的準老公周醫生有沒有送過禮物給她時，Michelle 表示沒有，不過卻有比送禮物更浪漫的事，「佢送俾我嘅禮物係好有心思，佢會自己作詩。我講真㗎！佢作英文詩，我睇唔明，又要翻譯又唔知佢寫乜，哈哈！佢開始 get 到我唔識，就轉咗寫中文，但係寫中文我都唔明，哈哈！」

在旁 Kenny 大叫浪漫，又問：「妳覺得佢對妳做過最浪漫嘅事係乜嘢？」Michelle 即一副冧樣道：「佢完全唔識剪片，我覺得最勁係佢會特登剪片俾我，每日剪一條好短嘅，有啲英文、有啲中文咁樣寫落去。」

隨後畫風一轉，Michelle 分享了一件趣事，「有一年生日，佢送咗一個好大嘅盒俾我，你以為係嗰啲唔知乜嘢包包啦，我開心揭開，係一架 Lego 車！我唔明點解送一架 Lego 車俾我，我個表情真係控制唔到，一揭開我本來係笑住，仲要係一架唔知乜嘢嘅跑車，如果係送我揸緊嗰個型號我都明，我笑住問：『點解？』佢話：『冇呀，我好鍾意呢架 Lego 車，想妳幫我砌，所以送俾妳』。」二人即笑翻天！

隨後，Kenny 又問他們二人之間有沒有 love language？Michelle 指自己每次見到周醫生時，都會主動「攬住佢」，「我係嗰啲好陽光，佢冇我咁正能量，所以我見到佢我就會攬住佢。我同佢講有研究顯示情侶攬八秒，身體就會分泌一樣嘢令你開心，我就會咁樣攬住佢，呢個係我嘅love language 。」

Kenny 解說 love language 的重要性，Michelle 即笑說 Kenny 十足婚前諮詢專家。二人由金器揀到珍珠，Michelle 將揀出來的首飾全都戴上身，不捨得除下，Kenny 說：「我已經好多錢，亦都想再搵多啲錢。」Michelle 即打蛇隨棍上，「咁我可以揀份大啲嘅結婚禮物！」Kenny即大笑：「揀啦！」

衛詩雅 – Kenny重金送嫁妝～ 阿Mi : 我全部都要！【待嫁 Mi 全紀錄 EP.6】：