半年前，Gin Lee 為網上平台「JFFLIVE 音樂擂台」擔任嘉賓，除了跟主持 chit chat 吹水，又跟 phone in 網民 battle 唱足三粒鐘，玩到凌晨，除了被網民大讚貼地，直播更達萬人收看，打破平台開台以來紀錄。

期間周殷廷 (YT)「牽紅線」大推素人歌手 Rio 跟 Gin 出合唱歌，當時 Gin 爽快答應會拿自己今年出歌的一個 Quota 跟 Rio 合作，網民都紛紛叫好。事隔半年，昨晚 (19日) 二人合作的單曲〈無彩色〉正式上架，網民除了大讚 Gin 是「找數真滿子」，又留言：「音樂擂台做左咁耐有過咁多個歌手上黎做嘉賓，從來冇一個歌手肯用自己公司資源去同一個素人觀眾出歌，就淨係得 Gin Lee 做到，Gin Lee 令到 Rio 同我地夢想成真，我地都係時候幫番佢夢想成真。」、「真係全年 5 首歌 quota 其中一個比咗 Rio」、「多謝Gin Lee 願意用公司資源同 Rio 出歌，多謝 YT 大哥搭線促成呢個壯舉，兩個都好值得支持，5000 人睇咗直播，一人一票送 Gin Lee YT JFYT 上叱吒 5 強啦！」

Source: 英皇娛樂

昨晚 Gin 強勢回歸「JFFLIVE音樂擂台」宣布及首唱二人合唱歌曲〈無彩色〉。Gin 這次身兼兩職，除了負責唱的部份，亦是這次歌曲的 producer，她憶述這次製作歌曲經過重重困難，「我、Rio、YT 三個經過好多嘅溝通，如果我同 Rio 合作，究竟會係一首點樣嘅歌？Concept、題材、musical style 等等。作為一個 producer，我真係需要了解 Rio 多少少，所以我哋傾咗好多次電話，甚至乎會傾一啲好 deep 嘅嘢，亦都好多謝 Rio 嘅信任。」

Gin 形容是史上錄得最不安的一首歌

Gin Lee 李幸倪 x Rio〈無彩色〉：

歌曲填上全日文歌詞，Gin 透露最初的構思是自己唱廣東話、Rio 唱日文，但最後決定全日文演唱。為了這首歌曲，錄音前及錄音期間，Gin 特別找來日文老師「監聽」，「呢首歌係我史上錄得最不安嘅一首歌，因為我 judge 唔到自己唱成點，唔知道個韻味或者 accent 啱唔啱，老實講我都好驚㗎！但係我都盡我所能去錄，錄完即刻 send 俾老師聽，佢 ok 我先再 move on。」

〈無彩色〉歌名結合 Rio 與 Gin Lee 特色

關於歌名〈無彩色〉，「無」即是 Rio 代表黑白的部份，Gin 代表「彩色」的部份，Gin 表示跟 Rio 傾談時，感受到她的恐懼、不安及沒信心，但 Gin 每一次都盡力給 Rio 鼓勵，「俾佢大膽去 express 自己，大膽啲想講自己嘅心底說話。經過半年時間，我哋排除萬難去做咗一首歌出嚟，真係好唔容易。所以我同 Yan (YT) 都好想 Rio 明白一樣嘢，就係要相信自己多啲！」

Rio 表示這次的合作可能是「可一不可再」，十分珍惜這次合作。首唱前，Gin 帶定頭盔並笑說：「如果甩咗唔好笑我呀，因為呢首唔係慢歌，我會睇唔切啲字㗎，哈哈！」