臨近年尾，又是接近一年一度派發樂壇成績表的時候，女團 VIVA 是今年的樂壇新人，雖然出道只是短短半年，廣告及活動接不停，備受客戶喜愛。而在最近的「叱咤樂壇我最喜愛的組合」投票中，未能成功打入十五強，VIVA 自知出道時間尚短，人氣不及其他較早出道的組合，所以在開始投票前主動要求參與 School Tour 及早起主持 Podcast，希望能讓更多學生認識 VIVA 。

Source: 英皇娛樂

除了每日清晨五點起床跟平台主持 podcast 節目，為中學生解決難題及分享，又到全港中學做巡演，至今已進行十場，稍後仍繼續進行，希望作最後努力拉票，「雖然我哋遲咗起步，但都會盡力去做，俾大家認識我哋多啲，希望喜歡我哋嘅演出，無論結果係點，呢啲都係好寶貴嘅經驗。」

提到年尾結算，VIVA 表示獎項除了是對組合的鼓勵，亦是對公司、團隊及歌迷付出的一個回報，「有獎當然開心，因為獎項唔係淨係屬於我哋，而係大家一齊努力嘅成果。新人第一年係起步，其實第二年先係真正嘅開始，點樣去維持、點樣去俾人見到我哋有進步、有成績，呢啲都係要透過不停練習、表演去呈現。」

VIVA 表示不經不覺已經進行了十場學校巡迴，而且將會繼續進行。而同學們的熱烈反應亦令她們喜出望外，不過最令他們驚喜的是不少老師也主動要求 Selfie，「因為做巡演係想令同學仔更加認識我哋，但估唔到有啲阿 Sir 話想同我哋 Selfie，係意外嘅驚喜。」

除此之外，近日 VIVA 逢星期一至五、上午七時至七時半，跟「慢半拍」主持「VIVA Morning Call」Podcast，開 live 跟同學們互動，VIVA 亦會分享自己中學生活趣事。由於每天準時七點「開咪」，VIVA 清晨五時便要起床梳洗。為了準時出門，Carina 被隊友踢爆長期做「廳長」，Macy 謂：「因為我哋四個同居緊，Carina 起唔到身，佢而家就瞓咗喺個廳度，但係冇用嘅！因為基本上每日最早起身係我同Ada，我哋起身坐喺間房直接大嗌：『Carina！VALC！』」Carina聞言立即「反駁」：「雖然我試過最遲 get ready，但我係最早搞掂，所以我係好 efficient 嘅！」