力臻 (Lagchun) 推出極洗腦狂曲〈跳跳虎〉，featuring Chinky Eyes，幾乎整首歌重複著同一個節奏，卻一點都不令人生悶，反而身體越聽越搖擺，緊密的節奏就像香港城市人急促的步伐，但力臻和 Chinky Eyes 活潑的唱腔，再加上搞鬼的歌詞，例如「跳兩跳似隻跳跳虎」，唱出輕鬆的態度去看待這城市的忙亂，令人一聽腦海就 loop 足全日！

世界面貌全變，Slasher 的普及使很多人的身份越來越多元，有些人可能是一間公司的老闆，卻同時是另一間的員工；有些人可能是上班族，下了班卻是 YouTuber。如果你也是多重身份的一員，聽著這首〈跳跳虎〉，更有動力寓工作於娛樂！力臻透過新歌告訴大家：「人生苦短，及時行樂，祝願大家開心到彈起！」

Editor: Meiling Heung
Source: Sony Music HK

全新曲風不忘滲入 Citypop 元素

一直鍾情 Citypop 的力臻，在加入 Sony Music 旗下全新音樂品牌 Green Music 後作出新嘗試，以全新曲風，與二人男子組合 Chinky Eyes (CE) 首度合作 Up Beat 新歌〈跳跳虎〉，但他仍不忘在音樂中滲入 Citypop 元素，而為了拍攝 MV 的騷肌場面，他不惜全日捱餓拍攝，務求以最佳狀態示人！

從表面理解，〈跳跳虎〉由歌名到編曲，都令人想跟著音樂跳彈，但力臻想表達更深一層的意義。力臻道：「呢首歌係回應出道歌〈都市爬行〉，嗰首係講我哋慢慢向上爬，但而家嘅我工作愈嚟愈忙，返學讀書、放學去做音樂，感覺就似由一個地方彈去另一個地方，要好急速去處理所有嘅事情，往往會忽略咗人生樂趣，〈跳跳虎〉就係提醒自己同埋聽眾，就算你嘅生活幾繁忙，要記得返人生嘅樂趣，甚至乎係享受彈嚟彈去，活喺好繁忙嘅過程入面，歌詞裡面最後一句：『玩還玩，彈還彈，人生放慢腳步，記住慢慢嘆』，就係想講呢樣嘢。」

今次力臻跟 CE 作出全新曲風新嘗試，但他仍念念不忘他至愛的 Citypop，所以中段加插了 Citypop 裡最常見的 Retro Funk 元素，除此之外，留心細聽，編曲上都混入了紅綠燈訊號、電車、敲打不同物質的聲音在內，力臻解釋，Citypop 的特色大多滲透生活日常，所以除了歌詞內容很反映都市人忙碌的生活節奏，他亦將在這城市聽到的一些聲音，放進這首新歌裹面。

力臻 Lagchun – 跳跳虎 Jump Jump Jump (feat. Chinky Eyes) | Official MV

與二人男子組合 Chinky Eyes 共同創作

Chinky Eyes：「我哋都覺得，唔同嘅音樂人都有自己唔同嘅音樂節奏，但當唔同嘅節奏撞埋一齊嘅時候，有時佢哋會好融合，有時又會全部彈開晒，呢首歌就係有呢種瘋癲嘅感覺，癲完之後細心睇吓啲歌詞，你以為佢只係幽默，但又有一啲人生哲理俾大家㗳吓。所以我哋就諗，呢種節奏幾反映到力臻嘅常生活吖，呢秒係歌手，下一秒又會係數學老師，教完書放學後又返去大學做返個學生，你話邊個夠佢亂吖。」

過去力臻拍攝的 MV 橋段都十分搞鬼，今次亦不例外，為了配合歌名與曲風，他不但一身虎紋 Look 造型示人，他甚至與 CE 一齊落力跳唱，不過力臻謙稱這些只是簡單的 Dance Move，而 MV 中力臻亦毫不吝嗇一騷他那大隻身形，他更為此捱餓拍攝，他說：「導演一早已同我講有啲著少啲衫嘅 shot，所以拍攝當日我全日都冇食嘢，但到唔著衫嘅 shot 又放到最尾先拍，所以我到後來已經跳到冇晒力，超級攰，好彩出到嚟效果都靚，值得咁辛苦。」

力臻 featuring Chinky Eyes〈跳跳虎〉MV 幕後花絮片段：

力臻邀多位藝人挑戰大數「跳」字

力臻於活動後台邀來多位藝人朋友包括周殷廷、阿正、麗英等人，挑戰估新歌〈跳跳虎〉裹面總共有幾多個「跳」字，眾人反應和答案各有不同，阿正更笑稱「跳」字數量應該與力臻的腹肌數量相同，然後回答：「69！」聽緊這首歌的你，又估到「跳」字總共出現了幾多次嗎？

擔任過數學老師的力臻，更用科學腦新奇地以數理方式，於社交平台將「跳跳虎定理」傳承給所有同學們，你又 follow 到嗎？