洪嘉豪 (Kaho) 較早前完成一連二場首個個人紅館演唱會後立即開工出席活動及宣傳 4月23 日推出的最新實體專輯 《Inner｜Child》，可謂非常努力！而 Kaho 則在社交平台宣布新專輯《Inner｜Child》是關於：「我的逆成長日記，一天天的渴望長大，一步步的抗拒成長。」

Editor: Meiling Heung
Source: Warner Music HK

其實認識洪嘉豪的人都知道，Kaho 內心明顯住著一個大男孩，由他對追求自己夢想的執著可看見，甚至從他過去的作品〈污糟兒〉也可看見他拒絕被世俗渲染、保留自己的赤子之心。今次的新專輯《Inner｜Child》可謂延續 Kaho 的精神，內心一直在「長大」和「保留初心」之中取得平衡。

Kaho 說：「今次嘅碟名就叫《Inner｜Child》，主題其實係想講每個大人、成長咗嘅人其實心裏面都難免住咗個小朋友，例如〈拆禮物的孩子〉，其實我哋而家拆禮物都會好開心㗎嘛，咁但係我哋又會同小朋友時候嘅 (開心) 唔同，小朋友就係你送咩禮物俾我，我未拆我都覺得好開心！但係而家拆開咗之後，可能未必係你好想要嘅嘢，你未必會有咁開心，所以就係想講呢樣嘢。而碟裏面嘅設計，包括封面等等其實都有好多歌曲嘅元素畫咗喺上面，亦都係我作為一個大人去公園影咗好多唔同嘅相，有啲可能 chok 樣啲，有啲就可能鬼馬啲，想飾演返唔同時段。」

問到 Kaho 於其新專輯《Inner｜Child》有沒有一首自己很喜歡的作品？他說：「嘩！好難揀個最喜歡，因為我覺得今次都做咗好多唔同嘅style，亦都有啲新嘗試，每一隻都好特別喎今次真係，好難答呢個問題。」

這次新專輯中，新歌除了有〈拆禮物的孩子〉，也有在剛完成的演唱會中亮相過的〈明星示範生〉、〈預言家〉、〈逆便所〉等，另外收錄了少量過去發布的單曲包括〈黑玻璃〉、〈只要你不尷尬〉、〈Truth or Dare〉。

盼發掘更多可能，挑戰自己

問 Kaho 在剛剛過去完成首個一連二場紅館演唱會的他，對自己的表現滿意嗎？他回答：「其實坦白講就七、八十分，仍然有好大嘅進步空間，喺唱歌方面其實睇到係比之前好咗好多嘅，練習係有成果啦！咁但係有啲處理上嘅嘢其實都仍然可以更好啊，尤其是第一場更加做得我覺得無咁好，有啲嘢就係我對自己要求希望做得到。」

他續說：「第一次升上紅館舞台，第一次真係升上去嗰下都有啲緊張嘅，來唔切去諗，嘩！終於擁有我自己嘅升降台啦！咁但係尾場嘅時候其實都進入咗一個瘋狂狀態，即係我已經唔會理首歌係點啦，我覺得喺嗰個狀態入面，我點唱都得、點都唱到！」

目標年尾行上頒獎禮台

Kaho 更說接下來的目標希望可以發掘更多可能及於年末各大頒獎禮上獲獎。他表示希望可以再發掘一下有甚麼歌適合自己，亦希望唱歌方面繼續進步，當然也希望可以涉獵多點音樂以外的事情，希望今年可以有機會獲獎！

《Inner｜Child》專輯造型照幕後花絮：