MIRROR 最新英文團歌 MV 隆重上架！繼〈Rumours〉之後，MIRROR 日前推出了第二首英文單曲〈Day 0〉，找來 NBA 超級球星 Dame D.O.L.L.A 合作，MV 又有荷里活著名導演 Ethan Lader 及 Kevin Boston 雙人執導，十分大陣仗，令 12 子都為之興奮和感到榮幸。名宿 Dame D.O.L.L.A 參與新歌，12 子齊齊變粉絲！

Editor: Meiling Heung
Source: Sony Music Entertainment Hong Kong Limited

MV 邀超夢幻班底製作

今次〈Day 0〉是繼〈Rumours〉後推出的第二首英文團歌，而推出早就在計劃之內。AK (江熚生) 道：「出〈Rumours〉時已經有出第二首英文歌嘅打算，因為當時同 Kicks Crew 有合作，因而促成 Dame 嘅參與。起初知道係好開心，我哋開初仲未揀唱乜嘢歌，但已經同我哋講會有位 NBA 球星 featuring 同我哋 rap，當時一聽到呢個 Project 我已經好期待！」

Edan (呂爵安) 亦道：「Dame 係而家 NBA 嘅 super star，所有有打籃球，甚至未必識打籃球嘅，都可能聽過佢嘅大名，所以今次可以同佢合作係好 crazy 同夢幻嘅一件事，但其實我哋都覺得，如果我係佢，都未必肯過嚟拍 MV，仲要特登錄呢首歌，所以今次好開心。Dame 好 friendly 冇架子，又好肯同我哋傾偈影相簽名，係一個好友善、好 Nice 嘅超級巨星。」

其實團員當中，很多人都是他的粉絲，例如姜濤，在拍攝歌曲 MV 當日，他便興奮得嚷著要做工作人員的工作，就是傳波！姜笑道：「Dame 有個咪嘴位，要拍傳波嘅 shot，我搶住要傳波，機會千載難逢！」

至於為何 Dame 會參與這次合唱，他自己娓娓道來：「本來我計劃嚟香港搵 Kicks Crew 嘅拍檔 Ross，佢介紹我認識 MIRROR，於是我有機會了解佢哋，覺得同佢哋合作係好好玩嘅一件事，再知道佢哋想製作〈Day 0〉，當中有一段需要有人 rap，於是我就喺香港灌錄了 rap 嘅部份，並且參與 MV 拍攝。整個合作都好難忘，我自己都做咗啲過去未曾嘗試過嘅事情。」

經過這次合作，Dame 對於有這麼多位成員去組成一隊 MIRROR、甚至要秉持同一理念去工作，令他感到非常難忘，並表示越多人參與同一項工作，其實越難達至成功，所以他很好奇 MIRROR 是怎樣辦到的，然後發現 MIRROR 成員都很專注去做好一件事，是一隊很特別嘅組合。到達了香港後，Dame 再仔細去了解〈Day 0〉背後的創作原意，參與拍攝對於他個人來說也是踏出了平日的舒適圈，令他感到「非常酷」！

荷里活著名導演 Ethan Lader 及 Kevin Boston 攜手執導 MV

除了邀得 Dame 參與歌曲製作並拍攝 MV，今次更重金禮酬曾執導 Bruno Mars〈Just The Way You Are〉MV 的 Ethan Lader，還有曾執導 P!NK、Post Malone、Chris Brown 等人 MV 的 Kevin Boston 雙雙擔任 MV 導演，而舞蹈則由 KINJAZ 的 Jawn Ha 負責編排，再加上相香港的工作人員一同製作，十分大陣仗。

MIRROR〈DAY 0〉 (Ft. DAME D.O.L.L.A.) Official Music Video

AK 道：「今次兩地 crossover 合作幾新鮮，我哋體驗到外國拍攝 crew 做嘢嘅方法：佢哋都好有條理去解釋俾我哋聽，慢慢去做。有工作人員話俾我哋知，導演拍過 Bruno Mars 嘅〈Just The Way You Are〉，大家聽到都發現有啲 MV 我哋睇過，所以大家都好期待拍攝成品會係點樣。」

對於為 MIRROR 執導 MV，Ethan Lader 則表示這是他第一次來到香港拍攝 MV，對於能夠參與此 Project 感到特別興奮，並大讚 MIRROR 夠特別，每位成員都有自己獨特的個性，而且拍攝 MV 的時候，都能帶出富有創意的想法，還有滿滿的「Energy」！至於 Dame 饒舌的部份也是很出色，看見兩者之間有很多想法及火花的碰撞，充滿趣味！

Mirror -〈DAY 0〉MV 幕後花絮：