IdG Bubbles 出道至今未夠一年，已推出 6 首作品，而為迎接炎熱嘅夏季，特別推出第 7 首全新本地創作歌曲〈夏日狂閃〉。

Source: Green Music

是次歌曲〈夏日狂閃〉除了以夏日為主題，其靈感概念亦來自於網絡上熱話，稱 IdG Bubbles 的粉絲以閃光燈閃出名堂，亦笑稱 IdG Bubbles 成為「閃燈女團」為主題，成員 Anesa 稱：「歌詞裡面有幾句係『影我影我』及『閃呀閃呀』，好似形容係我哋啲粉絲咁樣，亦希望我哋呢首歌可以同歌詞一樣無規範，開開心心去玩。」

水上樂園首度破天荒提供 MV 拍攝場地

而今次 MV 的特別之處是榮幸得到海洋公園水上樂園允許，在開園前無人時段入內拍攝。而 7 位成員，包括：Cindy、Anesa、小倬、Kathy、Yoyo、夢月及 Kaluen 更首度以水著 look 參與拍攝，務求令整個 MV 的熱度升溫。

Cindy 稱：「為咗拍呢個 MV，我哋特登親自揀選 7 款唔同顏色及盡顯各自風格嘅水著示人。小倬續說：「拍攝當日真係玩得好開心，因為真係無諗過可以响水上樂園拍 MV，我哋當初聽到嘅時候已經好興奮。」

家鑾、Kathy

Cindy、Anesa

Anesa 稱：「今次應該係玩得最開心嘅一個 MV，原本都擔心化妝同頭髮濕咗會係點，但因為真係好好玩，我哋都冇理太多，反而出嚟個效果好自然。」Kathy 興奮地說：「我哋有一部分係要自拍玩急流漩渦，導演原本看完已經收貨，但因為我哋貪玩，希望再嚟多一個，而我哋嘅尖叫聲，仲俾現場嘅工作人員笑我哋差啲爆咪。」

被問到著水着拍 MV 有沒有壓力？7 位女生搶著回答：「未拍之前都怕有點尷尬，而拍攝當日天氣好好，環境又好玩，所以冇得驚太多，而我哋亦都不經不覺曬黑咗，但係唔緊要啦，最緊要出嚟效果好同埋呢個 MV 真係好好玩！」

IdG Bubbles -〈夏日狂閃〉(Official Music Video)：