Nancy Kwai 繼上一首毫無保留表達心意的派台單曲〈You know I love you?〉後，近日推出新歌〈How could you?〉由 Matt Chow 作曲、甄敏延填詞、Dick Wong 編曲及周錫漢監製。她亦曾透露將於今年推出全新概念大碟，以 “Q&A” 為核心主題，每一首歌曲都是一次對自己內心的靈魂拷問。這首新歌便直接道出 Nancy 認為在感情中最不能夠接受的一句；「希望做回朋友」！

Source: Warner Music HK

在感情中愛恨分明的她認為最令人難受的往往不是分開一刻，而是對方在感情走到盡頭時，為了尋求情感上的「體面」而稱「希望做回朋友」。她覺得與其拖泥帶水，不如乾脆徹底退場，才是對自己最好的選擇！

Nancy 說：「喺感情方面我係一個好決絕嘅人，我完全接受唔到『分手亦是朋友』呢個講法！即使我再鍾意嗰個人都好，如果佢咁樣同我講嘅話，我會立即一秒清醒，認為呢個人唔值得我為佢繼續傷心！」

新歌 MV 亦一如她過往的 MV 赴外地取景，更有男神魏浚笙 Jeffrey 擔任男主角，華納高層於社交平台發佈 Jeffrey 公主抱抱起 Nancy 的 MV 幕後花絮片段，短時間內已經高達 18 萬瀏覽量，更有網民留言：「今年係咪最高顏值嘅 MV？」、「睇到呢一幕都唔知羨慕 Jeffrey 定 Nancy 好！」MV 正式上架後更有留言指「2026 最高顏值嘅 MV！」

Nancy Kwai 歸綽嶢 -〈How could you?〉(Official Music Video)：

談到拍 MV 趣事，一向無厘頭的 Jeffrey 笑說：「我覺得情節就係嗰個韓式背後擁抱啦，我覺得今次成個感覺好流暢，同埋大家嘅表情係好到位，即係我哋將個感覺由內到外再又外到內滲出嚟！」Nancy 聽罷在旁一直笑不停表示：「我明你講咩㗎，只不過我唔識重新包裝過再講返出嚟，哈哈！」Jeffrey 續說：「同埋喺最後我哋需要一個好 sad 嘅 ending ，要喊啦！其實我當時望到妳已經喊，即係嗰種感動⋯⋯ 妳個背影好 touch 到我！」

〈How could you?〉MV 幕後花絮：