張蔓姿 (Gigi) 推出新歌〈只要一起不守本分〉，新歌由 Goro Wong 作曲及監製，林詠成填詞，並由 Goro Wong 聯同 Gigi 共同編曲。Gigi 希望透過這首歌傳遞 “Risk is better than regret” 的生活態度，鼓勵大家不要因為旁人的聲音而留下遺憾。

Source: Warner Music HK

今次 MV 找來歐鎮灝 (George @P1X3L) 演男主角，Gigi 亦有分享今次 MV 男主角找來 George 的原因：「我之前睇《那年盛夏 我們綻放如花》覺得佢嘅演技好好，再加上今次呢首歌嘅男主角要有一種『不守本分 』嘅 vibe，所以今次就搵佢！」

提到 MV 拍攝趣事，Gigi 認為其中一場即興二人十指緊扣跳舞，播著喜歡的歌曲隨歌起舞感覺很好玩！George 則表示最難忘又狼狽的是瘋狂跑步：「因為我哋要用一個好開心嘅狀態去跑，但係又要跑得好快，時間又要就住 cam man，我覺得好刺激！」

張蔓姿  -〈只要一起不守本分〉(Official Music Video)：

問到二人將來會否有機會合作推出歌曲，George 表示絕對希望和 Gigi 有歌曲上的合作：「因為我覺得大家都有共同興趣，都想做一啲 Trap 嘅野，所以希望可以真係有一首歌可以合作，然後再一齊拍 MV！」Gigi 亦表示認同：「我都想做 Trap 嘅音樂！其實我哋係 “Double G” 喎！Double G 做 Double Trap，哈哈！」

Gigi 認為「不守本分」的愛情是需要不顧一切，只要認定自己喜歡的人，就應該不顧一切地去愛！她認為最浪漫的「不守本分」愛情故事是《鐵達尼號》及《羅密歐與朱麗葉》。她說：「因為他們也是不顧一切地去愛，眼裏只得對方，我覺得超級浪漫！我覺得只要大家相愛，就唔需要被世界太多框架同標籤限制住。」

她亦有分享現階段與歌詞中所提及「對得起年輕」的決定是成為一位歌手：「我覺得係一件好有意思嘅事，因為自己本身好鍾意音樂，亦都好想透過自己嘅作品同創作嘅歌曲去感染別人，我希望有越嚟越多好嘅作品可以同大家 connect！」

〈只要一起不守本分〉MV 幕後花絮：