將於 7 月 18 至 20 日於紅館舉行其《Sony 呈獻：Jason Chan Live in Frames 20 週年演唱會》的陳柏宇 (Jason)，推出新作〈舊酒新瓶〉。新歌呼應 Jason 接近 20 年前的經典情歌〈永久保存〉，是一首特意創作的續集之作。

「陳氏家族」寓工作於家庭樂，一家四口溫馨拍攝 MV

在〈舊酒新瓶〉MV 中，除 Jason 親自上陣外，老婆 Leanne 與兩位女兒 Abigail 和 Audrey 亦有份參與演出。一家人更為此遠赴梅窩進行拍攝，實行寓工作於家庭樂。對於能與女兒們一同拍攝，Jason 與 Leanne 均感到十分滿足，Leanne 窩心表示：「幾開心可以一家四口一齊拍嘢，圓滿呀！」Jason 亦補充直呼「無憾」。

憶述七年前老婆參演 MV，Jason 玩命笑稱：「當時你係以一隻豬嘅身份出現！」

原來，Leanne 上次參與 Jason 的 MV 拍攝已是七年前的〈認真如初〉。Jason 馬上「玩命」訪問老婆：「當時你係以一隻『豬』嘅身份出現，今次以一個靚女嘅身份出現，有咩感覺呀？」Leanne 馬上反問：「即係你當時睇我係一隻豬咁？你又話我唔肥嘅！」嚇得 Jason 馬上「補鑊」解釋：「咁豬都有分肥瘦，你係一隻瘦嘅豬！」兩人互動搞笑之中充滿甜蜜感覺。

笑談兩位女兒 MV 表現：「Abi 直頭想做埋導演！」

問到兩位女兒在 MV 中的表現時，Leanne 在讚賞的同時，亦笑指大女 Abi 很有主見，甚至想挑戰導演權威：「Abi 做得好好，好有自己思想，佢直情想『操控』埋導演！」對此 Jason 亦笑著和應：「佢直頭想坐埋導演個位！」

至於細女 Audrey，Leanne 認為她表現得十分自然，Jason 更大讚：「（對比〈可靠我〉MV） Audrey 進步非常之大，因為上次拍 MV 佢仲未識講嘢，今次拍攝對佢嚟講係一個好好嘅經驗！」

小克為〈永久保存〉撰寫續集絞盡腦汁：「我諗到呢條橋真係好難得！」

新歌〈舊酒新瓶〉請來小克操刀填詞。對於要譜寫續集，小克坦言最困難之處，在於如何將舊作中那份「愛」再次昇華：「因為〈永久保存〉係當年 sweet 歌經典，所以要諗一份新詞去延續、昇華嗰種 sweet。」

小克最終以〈永久保存〉的歌詞「已共你一年」作為延伸，創造出一個關於「原生家庭」父母離異、令主角對愛情缺乏信任的故事背景，從而寫出〈舊酒新瓶〉的深意。小克笑言：「我諗到呢條『橋』真係好難得！我覺得真係好好！」

Jason 陳柏宇新歌〈舊酒新瓶〉已於各大音樂串流平台上架，MV 亦已上傳至 YouTube 頻道。各位樂迷在聽歌之餘，緊記收看 MV，一同欣賞「陳氏家族」的演技和甜蜜互動。

陳柏宇 -〈舊酒新瓶〉(Official Music Video)：

〈舊酒新瓶〉MV 幕後花絮：