剛踏入 2026 不久，MC 張天賦便以一首溫柔而充滿力量的新歌〈無名氏〉，為樂迷送上新一年第一份禮物！由 Randy Chow 監製，Dick Wong 及 Randy Chow 編曲，黃偉文 (Wyman) 填詞，陳可為及齊樂平作曲。

新歌有別於過往的情歌、型格的歌曲，而是講述那些在日常生活中最平凡、最容易被忽略的瞬間：黑雨中突然為你撐傘的路人、替你付巴士車費的陌生人、輕拍你肩膀提醒拉鏈沒拉好的無名氏⋯⋯ 這些「明明不需要待我好」的善意，默默地為每天匆匆忙忙的生活添上一絲溫暖，Wyman 用歌詞輕輕劃開現代人的防備，將目光投向微小而純粹的善意，還原這座城市的樂觀指數。讓不問回報的溫熱在人海中繼續傳開。

Source: Warner Music HK

問到 MC 拍 MV 印象深刻的地方：「我覺得應該係天氣，因為今日真係異常地凍，但係其他演員都冇得著好厚嘅褸，所以呢個真係好深刻！同埋要吊威也，因為結尾一幕就係我需要飛上天回歸我嘅星球，同埋今日一齊拍攝嘅小妹妹芊玥！」


而今次為何會一反平時唱開的情歌，想講不問回報的好人「無名氏」這個題材呢？MC 解說：「其實當初寫呢首歌嘅時候都唔算往情歌方向寫，想以其他嘅主題去做呢一首歌，當中亦都同 Wyman 傾過偈之後就發現，咦！不如唔好寫咁多情情塔塔嘅嘢，或者唔好寫愛情，寫吓其他感情類型嘅歌，於是乎就出現咗〈無名氏〉喇！雖然大家都會覺得陌生人嘅一啲溫暖舉動係好 surprise 同埋好感恩，但係我亦都想提一提大家，可能呢一啲無微不至或者好細心嘅動作，其實身邊嘅人一直都有做到，但可能因為佢係你身邊最親嘅人，所以你無視咗呢一啲溫暖，或者會無咗呢啲感動時刻！」

問到 MC 現實中有沒有試過受到陌生人的幫助或者做些很小的好事令人開心？他回憶起曾經在落雨時沒有帶雨傘，遇過好心的途人為他遮雨，他亦試過在的士拾到電話主動聯絡物主歸還！他認為這樣微不足道的小行為，能夠讓人感受到「小恩賜大美好」。

MC 張天賦 – 無名氏 (Official Music Video)：

今年一開始 MC 就有不少好成績，問到 2026 年會有甚麼目標？他透露：「 2026 年嘅計劃其實已經有新嘅專輯做緊，亦都做緊新歌，嚟緊基本上應該每一個月都有演唱會，至於喺香港，應該就會鄰近暑假嘅時候會有一個頗大嘅場地表演啦！」

〈無名氏〉MV 幕後花絮：