唱作歌手 Kiri T 自 2022 年加入華納唱片後曾推出多首膾炙人口如〈傷心的時候別說話〉、〈藍剔未必是壞習慣〉及〈至少做一件離譜的事〉等等的大熱歌曲，今年十二月終迎來她的全新專輯《a kiridiculous distance》，專輯不但收錄兩年來所推出的廣東歌，更收錄從未面世的廣東、國語及英文歌曲，讓樂迷們大飽耳福！
為隆重其事，Kiri T 更於天星小輪舉行專輯聆聽派對，邀請一同製作這張專輯的音樂人及樂迷一同登船，在黃昏時間一同於船上戴上耳機，靜靜地聆聽整張專輯，同時欣賞日落 Magic hour 的氛圍，投入每首歌曲的情緒，現場更有樂迷因被歌曲和船上景色感動而落淚，Kiri 亦笑指當日是「大型 emo 現場」！
Source: Warner Music HK
Kiri 過往的 MV 當中有不少也在交通工具上拍攝，因此她與團隊構思這次專輯聆聽派對時亦特意選在交通工具上舉行，而現場亦有不少於各 MV 出現過的道具，包括〈傷心的時候別說話〉中的小鬼及〈哀傷和愛上算不算同音字〉中的小狗等，令樂迷驚喜萬分，她分享說：「我今日啱啱喺天星小輪度搞咗我新專輯《a kiridiculous distance》listening party！好開心請咗好多有參與呢一個 album 嘅朋友、同事同 fans 嚟！我覺得好開心，
我哋拍〈傷心的時候別說話〉MV 嘅時候，喺一個碼頭度拍嘅，所以其實今次我哋都租咗隻船，係一個延續！我覺得係一個好窩心同埋真係一個 full circle！」
Kiri 又指當她在船上聽著〈傷心的時候別說話〉，內心很感動目睹包括過去幾年認識的音樂人，還有很久以前認識的伙伴也有前來支持。再加上船上有很多用心的擺設，例如有過去演出隆重登場時用過的一個閃閃頭盔，當時呈 mirror ball 的效果，而今次再船上再次隆重登場！另外亦有在〈傷心的時候別說話〉MV 出現過的「小鬼」：「睇下佢幾恐怖，哈哈！頭先我問現場嘅朋友，佢哋全部都以為入面真係一個人，係會 Jump Scare，但係冇㗎！哈哈！」
她亦有分享在船上和大家一起聆聽這張專輯時的感受及與團隊構思這個活動的想法，她說：「我今日同所有嚟咗嘅朋友同埋樂迷一齊聽呢隻碟嘅歌，望住個維港，望住個 sunset，我覺得每一隻歌都好感動呀，最感動嘅係當我聽到〈通往另一個世界的出口〉嘅時候，係因為我哋真係 (喺船上面) 去緊另一個地方，聽緊嘅時候都會諗，會唔會我哋落船嘅時候就係一個烏托邦嘅世界呢？好浪漫啊呢件事！今次喺天星小輪舉行大型 emo
現場聽著呢張新碟，呢個 idea 係我同公司嘅團隊一齊諗出嚟嘅，其實本身我哋諗咗好多唔同嘅地方，例如會唔會喺一個商場或者喺一個 studio 度聽呢？咁但係最尾因為我好多唔同嘅 MV 都喺交通工具度拍，咁我覺得返嚟交通工具度做就最 “full circle”。其實我哋仲諗咗好多，即係會唔會喺巴士呀？定係叮叮呀？或者係飛機呀咁，最尾 (我) 覺得海同埋水係最浪漫，所以我哋就揀咗呢一個地方啦！同埋我覺得對住個海一邊聽住啲浪聲，一邊聽住啲歌，對我嚟講觸發到好多回憶，我亦都好希望今日有嚟嘅朋友，落船嘅時候都會帶走一啲反思，同埋佢哋係船上面諗起嘅嘢。」
最後 Kiri 更有分享專輯細節及小心思鋪排：「呢一隻碟有 14 隻歌，有演唱嘅作品，間奏嘅作品都有，我會形容呢隻碟嘅上半 part 係比較輕鬆啲、好 chill 嘅音樂去講一啲 sad 嘅 topics、sad 嘅 stories，咁而下半 part 就係一啲比較 raw 嘅自己，所以我會形容聽呢隻專輯嘅時候，逐首歌順序聽落去，就好似搣洋蔥咁樣，搣到最後會喊嘅，但同時都希望可以幫大家紓發到情緒。」
Kiri 全新個人專輯《a kiridiculous distance》Digital Album 現已於各大音樂平台上架，實體專輯亦會於十二月於各大唱片店上架，敬請期待！
立即到各大音樂平台收聽！
Spotify : https://open.spotify.com/album/1ymz2jNDGgtvGQghYkFAV1?si=VVR8caanSXW5f9ITLztKZA
KKBOX : https://www.kkbox.com/hk/tc/album/KnMELPxJbvUVI1s29b
MOOV : https://app.moov.hk/egYLT
JOOX : https://www.joox.com/hk/album/cCiAHqsiyJZtUFEGi2PHXQ==
Apple Music : https://music.apple.com/hk/album/a-kiridiculous-distance/1850622879
YouTube Music : https://music.youtube.com/playlist?list=OLAK5uy_kL-NWmExF81pPGzt3A7BRDoZ6wyyUMdhY&si=nhmqu_Pp8MsOI1dp
〈通往另一個世界的出口〉MV：
〈我可能是迴避型〉(Visualizer)：
〈safe but sorry〉(Visualizer)：
〈倒後走不需要什麽理由〉(Visualizer)：
發表迴響