陳蕾 (Panther) 近日推岀新歌〈天損之人〉由陳蕾親自作曲填詞，崔展鴻編曲與監製。新歌如同前作〈伸縮自如的愛〉，歌名靈感同樣來自於她很喜歡的一套動漫裡的招式。在面對衝突上與其迎戰，有時候可能更想悄悄地逃走避開這些紛擾。不止單單帶出漫畫本身，更是代表了一種人生態度。

Source: Warner Music HK

新歌 MV 特意邀請日本演員及模特兒飾演一班「天損之人」，他們都是往往被「失敗」找上門，例如打棒球時屢次揮棒落空、打桌球時往往總是「打入白波撻死」等失敗事蹟，但他們沒有因此被擊敗，反而更自得其樂，互相安慰，互相支持，發揮出「我不入地獄誰入地獄」的「我啦！我啦！」精神。

陳蕾分享當初歌名並不是〈天損之人〉，她說：「〈天損之人〉呢隻歌嘅靈感都係來自於動漫《Hunter x Hunter》裏面嘅招式叫做『天上不知  雖我獨損』，當時就覺得呢一招好有型！所以就想用嚟寫歌。」她解釋因此想寫一首歌講述被選中之人的心情：「所有黑仔嘅野都係比我遇到！『嘩！又係我呀？！咁黑仔嘅！次次擋災嘅嗰個人都係我嘅？！』

陳蕾亦分享新歌所講述的應對方法與她處理事情的方式相近：「因為我覺得我自己係一個『怕事』嘅人，所以我通常遇到一啲是非或者需要爭論，我就會選擇迴避，係迴避唔係逃避！因為我唔想去正面交鋒，正所謂『相嗌唔好口』呀嘛！無謂大家一人一句傷感情！咁所以我就會選擇用沉默去應對呢啲情況，令到件事情嘅火苗慢慢熄滅，同埋問題發生嘅當刻最緊要就係解決問題先，所以好多時都會『唉，我啦！我啦！』然後希望有機會大家都理性攞出嚟溝通。我同公司交歌嘅時候係用〈天上不知 〉唯我獨損》做歌名㗎！不過最後同事覺得呢個歌名有啲難記，所以選擇咗用〈天損之人〉做歌名，短啲又易記啲。」

陳蕾 -〈天損之人〉(Official Music Video)：