Nancy Kwai 歸綽嶢 日前推出新歌〈Will you answer me?〉，為第三張個人專輯揭開序幕，新歌有別於 Nancy 過往一貫溫柔曲風，首次嘗試帶有搖滾味道及力量比較強勁的歌曲。為樂迷們送上驚喜！新歌找來合作多次的編曲人 Seatravel 及監製陳考威，而作曲及作詞部份則交由首次合作的台灣作曲人陳思翰 (Hans) 及香港填詞人小克操刀。

Source: Warner Music HK

Nancy Kwai 第三張專輯將圍繞一個概念：「Q&A」，也就是一系列對自己的靈魂拷問。有時候，我們面對難題時，除了最簡單的 “Yes” 或 “No”、以及餘下的選擇去路，往往不知道正確答案是什麼，到底每個答案背後的可能性是什麼，這種情況漸漸匯聚成了「迷惘」的感覺。

Nancy 分享新歌〈Will you answer me?〉講述女生面臨失戀時，回想與對方的點點滴滴，並嘗試尋找方法令自己重新走出來，曲風與 Nancy 過去的歌曲非常不同，新歌屬搖滾曲風，而 Rock 及 powerful 的歌曲是她一直以來希望可以嘗試的曲風。

Nancy 說：「如果有留意開我嘅訪問嘅觀眾，應該都知道我由年頭開始已經同大家講，我非常想嘗試呢種 pop rock 嘅曲風，例如話我都好想唱下 Dear Jane 啲歌！哈哈！所以終於喺 9 月我有機會去唱一首咁樣嘅歌，我係非常之興奮！可能我本身就鍾意女仔有種比較 strong 嘅感覺，由入行以嚟我都一直都好想試，終於可以有個機會去試一啲比較 rock 啲嘅曲風，我就覺得嘩！好期待！好新鮮！」

她續說：「我哋呢隻 MV 呢就去台灣拍，MV 見我反身撻落水好多次，有冇撻到背脊痛？因為我哋都係企喺一個非常淺嘅池邊咁樣撻落去，只不過第一次真係有少少驚，但係見到影出嚟嘅畫面嗰下就覺得，嘩！你叫我再企高啲 (撻落去) 都值得！我都會去！因為影出嚟真係好靚，我本身就唔係一個游泳健將嚟㗎！我淨係識得好簡單浮喺水面，哈哈！所以都好感恩拍到我哋 reference 入面想拍嘅野！」

Nancy Kwai 歸綽嶢 -〈Will you answer me?〉(Official Music Video)：

Nancy 亦分享於錄音室的感覺：「今次嘅錄音過程，我都覺得幾得意嘅！因為平時我啲歌係偏向溫柔、soft 啲，去錄歌嗰陣時監製可能會同我講話，你貼近支咪唱營造出有一種喺其他人耳邊輕輕地講嘢咁，但係今次就完全唔一樣，反而監製會叫你企得唔使太近支咪，將你心中嘅不滿全部都發泄出嚟！嘩！我好用力地喺錄音室每次都唱咗 3、4 個鐘，其實返到屋企係好攰㗎，哈哈！」

〈Will you answer me?〉MV 幕後花絮：