〈我 (上個月) 真的喜歡你〉是 Lewsz 最新歌曲，由周國賢作曲、黃偉文填詞、Goro Wong 編曲及李一丁監製。製作班底不單止華麗，除李一丁之外，其餘音樂人都係 Lewsz 從未合作過，平時多數自己一手包辦創作和製作的他坦言：「第一次成首歌製作無參與任何部分，都幾有新鮮感呀！」

Source: Warner Music HK

「我上個月真的喜歡你」這個想法其實來自 Lewsz 的真實經歷。現在的他回想以前的愛情關係時，他可以很清晰地記得當時的他是非常喜歡另一半的，但如今，這種曾經「喜歡」的感覺已經消失得無影無蹤。不禁令他思考，原來所謂的「愛情」，正正是這樣難以捉摸、不能預計。

問到為什麼是「上個月」？「點解係上個月，又未去到實際真係上個月，之前同 Wyman 講起對歌詞的想法時，我俾咗呢個故事佢，記得曾經一直都好喜歡一個對象，但突然有一日好似唔再記得有咁鍾意過，所以 Wyman 就將呢種想法寫做呢份歌詞俾我！」

Lewsz -〈我 (上個月) 真的喜歡你〉(Official Music Video)：

自嘲喜歡另類「打戲」

今次 MV 找來許寶恆 (Alice) 擔任女主角，當中有狠狠摑 Lewsz 一巴和鬧交的場面，平時電量充足的 Lewsz 亦因連環被摑不禁目光呆滯苦笑！Lewsz 笑言：「被Alice 摑呢個場口其實都好難忘，因 為Alice 都冇乜摑人嘅經驗，再加上其實我哋本身都唔算認識，都係一面之緣，直到拍 MV 當日先叫傾多咗偈，所以其實當日試位、咩角度摑落嚟我哋都試咗好多次，都真係有拍 7-8 take，每次一 cut 機 Alice 都會好擔心會唔會摑得太大力，我同佢講妳放心摑啦！當我係渣男咁摑落嚟，哈哈！」

問到 Lewsz 現實中可有被女仔打過？「我印象中係無嘅，但可能唔記得咗⋯⋯ 哈哈！我覺得我應該無！」花絮片段見到 Lewsz 越被摑越偷笑，好似好享受這種另類「打戲」！