日前 MC 張天賦於社交平台宣佈推出全新個人大碟《Sweet & Sour》，更宣佈將於 ８ 月 １９ 日在旺角麥花臣場館舉行《A sweet & sour night》新碟發佈音樂會。新碟不但收錄多首大熱歌曲包括〈小心碰頭〉、〈說謊者〉、及〈懷疑人生〉等等，更收錄國語新歌〈目擊者〉、〈狼狽〉及首次推出英文新歌〈Ain’t No Foo〉及〈I’m okay〉。專輯將於明日 (７ 月 １７ 日) 於各大唱片店及音樂串流平台上架！

Source: Warner Music HK

新碟概念源於 MC 認為，音樂無分高低，故他從不會抗拒任何類型的音樂，希望透過他的每首作品，分享更多不同的音樂類型與風格，以音樂大同的態度，唱雅俗共賞的歌！

一向貪吃的他更以「咕嚕肉」這道菜餚比喻新碟的主題概念，MC 形容最新專輯《Sweet & Sour》的名稱及概念源自於他與 A&R 一次的對話，當時 A&R 要求 MC 思考如果要用一個字或詞語去形容過去一年的生活，會如何回答？於是 MC 回答說：「悲喜參半啦！」A&R 靈機一觸，建議命名專輯作《Sweet & Sour》，因此專輯概念其實與情感生活的對比有關，例如甜蜜與苦澀、快樂與悲傷。“Sweet & Sour”亦令 MC 聯想起美食「咕嚕肉」，這款菜式不但有中式及西式的煮法，老少咸宜之外，亦非常代表香港這個地方！同時亦可以在不同類型的場合如高級宴會或「住家飯」都常見到這款菜式，所以 MC 認為非常切合這張專輯的概念！

MC 由出道至今產量極高，一直密密出碟，問他是否已有下一隻專輯的構思及計劃？
他笑說：「出一隻碟當然開心同埋多謝『賦二代』嘅支持！其實背後要有好多人一齊去努力先至能夠有呢個成果，況且出咗呢隻碟之後，都仲有一個華納家族澳門演唱會，所以都要小休一陣先，先至繼續努力創作，如果下一隻碟可以以黑膠形式或者以卡式帶形式推出嘅話，我諗都應該幾正！而且我都會希望加入多啲唔同嘅元素，或者唔同嘅語言，或者同唔同嘅音樂人合作。」

形容〈東邪〉為古代版〈反對無效〉

推出最新專輯《Sweet & Sour》的同時，其新歌〈東邪〉亦同步於各大音樂串流平台上架，MC 更分享他認為這首歌曲是他新碟之中，其中一首最有意思的歌曲，他說：「〈東邪〉呢一首歌應該係《Sweet & Sour》呢隻專輯入面，我認為係最有意思嘅其中一首歌，其實呢首歌大家憑歌名都應該估到係講緊金庸小說入面嘅黃藥師，佢本身係一個好獨立、好不羈、充滿反叛同埋神秘嘅個性，呢首歌其實係一首好浪漫嘅歌，以中國風嘅形式去講述佢對愛情嘅睇法，至於佢不羈、固執同埋自由嘅個性，我覺得呢一首歌就係〈反對無效〉嘅古代版！」

《A sweet & sour night》新碟發佈音樂會

昨日 MC 更於社交媒體宣佈 ８ 月 １９ 日將於旺角麥花臣場館舉行《A sweet & sour night》新碟發佈音樂會，他亦分享當收到消息時的心情，他說：「今次開呢張專輯嘅會議上面，公司就同我講話不如我哋今次除咗出碟之外，都做一個新碟嘅發佈會？咁我聽完之後非常之同意，好開心有呢個 idea！因為唔單止可以一口氣唱哂新碟入面所有歌，而其實有啲歌都未必會有好多機會可以唱 live 俾大家聽，咁我覺得可以藉住呢個發佈會令觀眾現場體驗一下 “Sweet & Sour＂ 嘅感覺，同埋 (知道) 呢隻專輯究竟係咩一回事！咁我覺得呢個亦都係同 fans 見面、接觸嘅好機會！」

MC 張天賦 全新個人大碟《Sweet & Sour》
7 月 17 日 (四) 各大平台及唱片店上架

《A sweet & sour night》with MC Cheung Tinfu
演出日期 ｜2025 年 8 月 19 日 (二)
演出時間 ｜晚上 8 時
演出地點 ｜麥花臣場館

幕後花絮影片：