陳慧嫻《The Fabulous 40演唱會》巡迴到杭州站，這站請來容祖兒擔任嘉賓。

二人合唱完〈跳舞街〉後，慧嫻即爆料，「我第一次『見』祖兒係喺尖沙咀街頭嘅唱片海報，一睇我就覺得 (祖兒插嘴：好醜樣啊！) 唔係！呢個女仔一定紅！第二次見佢就係喺一個頒獎典禮嘅慶功宴，佢拎獎！而且佢爆紅啦！」

祖兒好奇問到：「點解妳睇到呢張海報會覺得我有機會呢？」慧嫻坦言是氣質，祖兒立即追問：「係點樣㗎？」慧嫻神回：「唔需要太靚，但係需要有一姐嘅氣質，我一睇妳就有呢個氣質。」

Source: 英皇娛樂

不過祖兒「不太認同」：「對我嚟講，妳就係好靚，妳當時都係爆紅。細個時候見到妳，妳嘅形象、衣着，都係當時廣東樂壇嘅指標，妳嘅音樂就係全方位聲色藝俱全嘅歌手。今日可以企喺妳舞台上面做妳嘅嘉賓，我非常榮幸，多謝妳！」

慧嫻回應：「我係話妳愈大愈靚！作為一個歌手，最重要係氣質。靚女大把，但有氣質嘅女仔唔多，你同我都有，哈哈！對我嚟講，容祖兒永遠都係英皇嘅一姐！」聽到慧嫻這樣說，祖兒即刻嚇到耍手擰頭：「妳嚟咗我唔係呀，嚇死我啦！」笑翻全場。

慧嫻直言十分喜歡祖兒，二人早於 2014 年慧嫻三十週年演唱會已合作過，祖兒指當年受到邀請時立即「嘍飯應」，亦十分感謝一直以來慧嫻對她照顧有加，每次的演出，慧嫻都會發訊息給她鼓勵：「佢會話：『妳做得好好。』對於一個歌手嚟講，能夠收到一個尊敬前輩嘅認可，對我嚟講係非常有意義。」

另外，由今站杭州站開始，演唱會加入洪助昇 (Aiden) 及梁壁荧演出小短劇，為巡演增添新意。之前兩站分別有關智斌同阿嬌任嘉賓撐場，網民大讚：「嘉賓陣容睇得出慧嫻圈中人緣勁好！」

洪助昇將加入擔任陳慧嫻《The Fabulous 40演唱會》巡迴演唱會嘉賓之一。