Gareth.T (湯令山) 與 53 名半裸男士在旺角快閃宣傳新歌〈用背脊唱情歌〉，吸引逾千 fans 圍觀大合唱，場面非常震撼，Gareth 亦不負眾望，連唱兩次，最後更使出「令山轉」。

Source: Warner Music HK

快閃後，湯令山表示 53 名男士全都是自願上陣，包括自己的化妝師好友，他亦搞笑地說篩選條件是不需要是壯男但必須高過自己，惹來全場大笑！而他亦力邀「華納高層」一齊裸，但遭對方拒絕。

問到會否挑戰 MV 式全裸，湯令山即時「拋波」予公司高層，唯對方爽快話「OK」，最後湯令山自己落閘：「湯令山話唔得。」

昐「令山轉」轉上紅個館開個唱

新歌甫推出不久便大受歡迎，有部分網民更認為這首新歌絕對有機會問鼎年尾各大頒獎禮歌曲獎，成為 2025 年度的「Song Of The Year」，Gareth 則謙虛地說：「就算真係成為咗『Song Of The Year』，聽日都係繼續寫歌，下星期都係繼續寫歌，好多謝大家鍾意呢首歌，我都好鍾意呢首歌！我會繼續努力寫歌。」

問到歌曲大受歡迎，可有信心「轉」上紅館，湯令山表示：「希望啦，但好似有啲遠，不過順其自然最緊要，但會盡力。」

活動影片：