黎展峯 (Andy) 推出全新廣東作品〈在山洞外等你〉，作品並非山洞探險，而是一個「暖到出煙」的成長故事。不過錄音及拍 MV 過程比行山洞更艱辛，Andy 自爆錄音時唱足 100 次監製先收貨，又要幻想自己是「田園鬍鬚佬」唱出感覺。MV 更加精彩，跟小學生拍攝被欺凌戲份，認真陰公。
Source: 英皇娛樂
新歌作曲、編曲及監製找來 Cousin Fung 操刀，Andy 指自己向公司提出想找一個令自己 vocal 再提升的監製，公司便提議 Cousin Fung，最爆笑的是 Cousin 要求 Andy 幻想自己是「外國田園生鬍鬚歌手」：「佢話唔再係一個小朋友咁樣去唱，而係一個男子漢或者係陽光暖男去唱呢首歌。」結果錄足三個 section： 「每一次我都係全首歌咁錄，計返每個 section，都唱咗 30 至 40 次首歌，三個 Section 夾埋其實接近 100 次！」
MV 呈現校園惡凌故事
MV 則找來四位小朋友演出，其中 Alvin 飾演小 Andy，另外三位飾演「惡霸同學」欺凌小 Andy。首次跟小朋友拍攝，Andy 指最有趣是看到他們很放鬆、很放膽的演出：「佢哋冇嗰種『咁樣做得唔得㗎』、或者猶豫，導演叫咁做，佢哋就會嘗試。」
黎展峯〈在山洞外等你〉(Official Music Video)：
拍攝現場頓時變成兒童遊樂場，「有個畫面係其餘三個小朋友向 Alvin 淋水，佢哋會覺得呢樣嘢好好玩，係咁淋，哈哈！」看到小朋友的表現，亦令 Andy 反思：「睇到幾位小朋友好 enjoy 個過程，嗰種純粹想去玩嘅感覺，我覺得當我哋成長咗之後，可能因為好多事而令到我哋對好多嘢都有考量，變咗好多嘢都唔夠膽去試，睇返佢哋今日嘅表現，就令到我覺得唔可以咁多考量。」
MV 首播會粉絲感動落淚
新歌上架當日，Andy 更舉行 MV 首播會，除了跟 fans「黎膠」一同觀看新歌 MV 首播，又即場大唱新歌傳遞正能量。Andy 表示十分感謝「黎膠」們一直以來的陪伴及支持，在台上分享製作新歌的心路歷程時，有粉絲因他的分享而感動落淚，場面感人。
發表迴響