唱作歌手黃明德 (Dark) 今日 (4 月 10日) 推出全新單曲〈大鬧說謊城〉。這次Dark 一改以往青春清新形象，以強勁搖滾曲風直插社會虛偽現象。

Source: 英皇娛樂

新歌靈感來自 Dark 對現實社會的不滿：「攤開報紙，扭開電視，打開電話，接收過萬樣資訊，都唔知邊句真邊句假。」所以他便以最直接的方式，以搖滾音樂來表達對這個「說謊城」的不滿。

作曲及編曲部份由 Dark 親自主理，又找來小克填詞，當中的歌詞「但大話總喜歡冚一個大話，利疊利的風險知道嗎？」一針見血地諷刺社會謊言連篇的荒謬現象。Dark 更自爆曾被朋友出賣，難怪唱得有火：「最深刻係被朋友背叛，佢做錯一啲事，但將個責任推卸咗落我度，我就被人責備。」

提到「大話」，Dark 坦言自己性格直腸直肚，就算遇上不快事，亦會直接說出來，並非一個經常講大話的人，但最大的一個大話是對自己說：「有陣時唔開心嘅時候會呃自己冇事，但其實去到最尾嘅後果就係將啲唔開心嘅嘢儲埋一齊，然後一次過爆發，所以一定要正視自己嘅情緒。」

新歌轉玩重型搖滾，有別於 Dark 一直以來的清新校園曲風，Dark 坦言搖滾更啱口味：「其實我由細到大都接觸好多重金屬嘅音樂，好鍾意搖滾風，所以對我嚟講，搖滾嘅歌係容易過之前嗰啲青春輕鬆曲風。之前出過咁多首歌入面，我覺得最難駕馭係〈留班同學〉、〈沒有穿校服的日子〉。」

黃明德〈大鬧說謊城〉(Official Music Video)：