將於今個星期六、日 (5/4、6/4） 旺角麥花臣場館舉行兩場個人專場音樂會 《I’m here Live 2025》的鄧小巧，繼〈神愛世人〉後，日前推出又一治癒作品〈其實痛是你的想像〉。

Source: 英皇娛樂

一如以往，歌詞由小巧親自主理，以「人」的角度詮釋「痛」：「我碌 IG 嘅時候，見到一個心靈 post，話人生入面其實百份之九十九嘅痛都係來自你嘅價值觀，然後你身體嘅痛先至係真正無可避免嘅痛。」

新歌靈感取材於慧開禪師詩詞

她解釋，新歌 verse 的來源就是南宋一位僧人 — 慧開禪師寫的一首詩：「春有百花秋有月，夏有涼風冬有雪，若無閒事掛心頭，便是人間好時節」。

鄧小巧〈其實痛是你的想像〉(Official Music Video):

小巧說：「我覺得人活得越耐，越過得平平安安、冇咩特別嘢發生、人生冇乜起伏，就係一個好值得感恩嘅事情。」

樂曲方面，編曲請來黃兆銘，作曲、監製則由曾經合作過〈不藥而癒〉的 Bert 負責，以旋律安撫受傷的靈魂。

跟老公白先生做 cardio 準備開 show

即將開 show，小巧表示已密鑼緊鼓籌備，但心情平靜：「而家應該係去到 on show 嗰刻先識得緊張，努力準備中。」又笑言：「努力打關斗、努力瞓覺、努力去令自己嘅狀態最好。」

至於體能，小巧指未有跟身為健身教練的老公白先生做 gym：「但係我就成日同白先生去行山，做啲 cardio。有時佢喺屋企會 train 我，同埋督促我每日做 10 分鐘嘅 plank。」

六年沒有開 show，問到小巧有否預備驚喜給歌迷？她立即「自爆」：「我都唔知大家覺得嘅驚喜係乜嘢，側手翻？講咗仲算唔算係驚喜？哈哈！」