由邱彥筒 (Marf)、沈貞巧 (Gao)、許軼 (Day)、王家晴 (Candy)、陳泳伽 (Winka)、蘇雅琳 (Ivy) 及李芯駖 (Sumling) 組成的本地女團 COLLAR，於昨日 (4 月 1日) 推出年度首支團歌〈Trouble Trouble〉，今次歌曲主題是展現 COLLAR 玩味一面，有別於過往所傳遞的勿忘初心、面對逆境等的訊息，MV 中 COLLAR 亦一反以往 cool 爆風格，大玩繽紛色彩路線，更與鸚鵡演對手戲，散發出陣陣少女氣息。

Source: 大國文化

Gao 想試玩味風

〈Trouble Trouble〉是 COLLAR 成軍以來，最具玩味的團歌，Gao 表示：「過去 COLLAR 歌曲都係關於自我、發掘我哋面對所有嘢嘅一面同埋內心脆弱嘅一面，實在太認真，其實我哋平時都唔係咁，所以我哋今年要玩盡佢，想試啲玩味啲嘅 COLLAR！」

COLLAR〈Trouble Trouble〉Official Music Video：

作為年度首支團歌，再加上是 COLLAR 首支玩味性質的團歌，今次歌曲 MV 又有何特色？Marf 指今次最特別之處，是找來〈Never-never Land〉的導演執導 MV，笑言是今次是「Never-never Land 2.0」：「我哋盡量有好多新元素同新角色喺入面，有啲顏色同地方都有啲似〈Never-never Land〉，大家可以解讀吓我哋呢首兩年前出嘅歌，同今次出嘅歌有咩分別。」

〈Trouble Trouble〉是 COLLAR 成軍以來，最具玩味的團歌。

拍 MV 即遇 Trouble

今次 MV 分兩日進行拍攝，不過兩日的溫差很大，芯駖表示天氣變化，亦切合歌曲名稱「Trouble」，她謂：「今次 MV 主要是外景分兩日進行，一日好熱，一日好涼，證明天氣都有啲 trouble，襯番我哋首歌！」Ivy 就透露兩日拍攝，一日到沙頭角取景，另一日到摩星嶺，車程甚遠，她笑指不只是〈Trouble Trouble〉更是「travel travel」。

提到 Trouble，Winka 直言為拍 MV，連續兩日凌晨四點開工，缺乏睡眠的狀態下，感覺連說話都有點 Trouble。

Day 認為即將播映的團綜是最 Trouble，她大賣關子表示：「即將出嘅團綜，我哋經歷咗好多 Trouble 事，睇我哋團綜就會知。」

Candy 則認為 Trouble 只是一個概念，只要心態保持樂觀，所有事情便不會是 Trouble。

過去一年，COLLAR 不僅舉行演唱會，又推出首張 EP，勢如破竹，未知今年 COLLAR 可有驚喜帶給粉絲？COLLAR 笑說：「唔好講得太勁，期望越大失望越大，都喺團綜嗰啲，冇乜特別，哈哈！」

〈Trouble Trouble〉MV 幕後花絮：