2025 年是 Dear Jane 成軍第 20 週年，Dear Jane 去年推出了〈多謝你自己〉、〈明日明日〉等歌曲去紀念他們這 20 年來的熱血故事，今年除了宣佈舉行成軍 20 週年的《道地極品解茶系列呈獻 Dearest Dear Jane Live 2025》紅館演唱會，昨日亦推出今年的第一首主打〈你流淚所以我流淚〉，MV 由袁澧林 (Angela) 和胡卓希 (Jason) 再次擔演主角「高小曼」及「陳浩然」延續 2016 年愛情三步曲的故事，預告一出已令歌迷非常期待！

MV 預告釋出後立即引起不少樂迷討論，紛紛表示「回憶返哂嚟！」、「等咗九年，小曼同浩然嘅故事終於有下集！」、「淨係聽完讀白已經想喊！」。〈哪裏只得我共你〉、〈只知感覺失了蹤〉和〈經過一些秋與冬〉的 MV 當年除了成為話題作，亦令男女主角浩然與小曼的愛情故事與觀塘場景成為一代人心目中的經典。

Source: Warner Music HK

團隊為了可以充分延續故事情節，特意回到三部曲 MV 主要拍攝場景木工店及觀塘的橫街窄巷取景，拍攝當日 Dear Jane 亦有特意探班支持，眾人到達拍攝現場後不禁感嘆：「呢度咁多年都冇變過！」

而大家都讚 Jason 無老過，佢自爆：「秘訣係後生時留鬚，大個剃咗就會後生咗！」

至於這首歌是否最終章，大家都一同表示不想！Angela 笑說：「當初拍到呢三步曲嘅 MV 我真係覺得好開心，呢幾個 MV 唔正只係所有樂迷嘅回憶，對我嚟講都係我生命入面一個影響咗我好多、好重要嘅一件事，希望 50 歲都會再搵返我哋喺老人院拍！」

Howie 直言睇大家反應：「可能隔十年又返嚟睇吓個故事變成點，類似人生實驗或者係個實時嘅故事咁，兩位主角好似熄咗攝影機都仲生活緊咁！哈哈！睇嚟我哋打機都打得太多！」

而推出 MV 時亦正值演唱會優先訂購日子，四場演唱會門票於優先發售當日秒速售罄讓 Dear Jane 四人非常振奮！並叫樂迷留意公開發售詳情，希望到時能在紅館演唱會中一起回憶二十年來的點滴！

Dear Jane -〈你流淚所以我流淚〉(Official Music Video)：

〈你流淚所以我流淚〉幕後花絮：