日前，衛詩雅 (Michelle) 受邀到日本參加全新 SHISEIDO ULTIMUNE 皇牌全盛精華全球發佈會，同場更有泰國人氣男神 Win Metawin。

Source: 英皇娛樂

這次 Michelle 參觀了 SHISEIDO Global Innovation Centre，親身了解全新ULTIMUNE皇牌全盛精華嘅科研突破。對於護膚，Michelle 都有少少心得分享：「唔一定要買最貴嘅護膚品，應該買適合自己嘅護膚品，我自己會不斷嘗試搵最啱自己嘅產品。」

不過向來皮膚滑淨的她，原來亦曾經遇過皮膚問題，她曾經遇過最大的皮膚問題是玫瑰痤瘡，最後需要調整身體作息，以及使用藥物才得到舒緩，壓力大的時候容易復發。

Michelle 坦言整個 trip 最期待是科研發佈：「因為一直以來好想知道一支護膚品嘅誕生，同埋佢嘅成份結合究竟係咩，點樣可以令皮膚變好，減慢老化，我覺得好神奇，今次好幸運可以有幸親身聽到一個科研發佈，學到好多新知識！」

去年電影《破．地獄》上映後，Michelle 不停為電影宣傳，謝票及周圍飛出席影展，早前又忙籌備婚禮，放假休息日子遙遙無期，這次難得去到日本，便乘機瘋狂食買玩，「今次去日本工作之餘，都有 shopping 大出血，因為呢幾個月嚟有啲忙碌，所以一有機會都食咗好多嘢，同埋買咗好多嘢！」