洪助昇 (Aiden) 全新廣東作品〈別想跟我再和好〉於今天 (28日) 上架。作為今年首支派台作品，Aiden 嘗試挑戰自己，首次執導自己 MV，收起平日的內斂，能力全展現。

Source: 英皇娛樂

Aiden 第一次自編自導自演 MV，當中加入了很多自己的愛情觀，相信人與人之間的緣份是有時限，緣盡時就好似相隔兩個空間，今次正好讓 Aiden 盡情發揮：「一出道已經好想試吓拍自己歌嘅 MV，好想喺畫面呈現自己嘅 idea。」

邀好友 George@P1X3L 擔任 MV 副導

這次 Aiden 找來好友 George@P1X3L 任副導演、George 妺妹 Venus 任 MV 女主角：「搵 George 因為佢夠搞笑，現場可以舒緩一下緊張嘅氣氛，哈哈！其實佢一知道我想試做導演時，就即刻舉手話要一齊玩。如果搵副導，我會想搵一個同自己審美比較相近嘅人，幫手睇住件事會比較安心，而且我哋識咗好耐，有一定嘅默契，唔洗每一樣嘢都要解釋。」

雖然二人為好朋友，拍攝期間亦有鬧意見，更差點炒大鑊：「喺拍攝前期，因原本嘅故事不斷修改，同之前嘅版本完全偏離，George 心裡面有意見，但唔想令大家有壓力，所以冇提出，溝通咗幾次先至講真話，最終演變成激烈討論，都係好事嚟嘅，之後大家都直接表達自己嘅想法及運作，長經驗嘅。」

至於找來 George 妹妹 Venus 任 MV 女主角，Aiden 指覺得她像韓國藝人韓素希，氣質特別，很適合拍攝這個故事，不過原來一開始是拒絕：「多次誠意邀請，最後成功打動佢。我覺得佢都好叻，第一次就已經好專業！今次係佢第一次拍攝 MV，之前有拍過廣告。」

問到拍攝趣事，Aiden 指拍攝前已有蝦碌事出現：「拍攝前一日，因為拍攝嘅地方太偏僻，我喺附近租咗一間酒店方便休息，準備瞓覺前，發現唔記得帶 hard disk，然後用咗八百蚊嘅的士來回，就係為咗攞番個 hard disk，呢一程暫時係我人生坐過最貴嘅的士，哈哈！」

Aiden Hung 洪助昇 -〈別想跟我再和好〉(Official Music Video)：