相隔廿五年，謝霆鋒宣佈今年四月於啟德主場館舉行兩場《Evolution Nic Live 謝霆鋒進化演唱會》，更是亞洲首位登上場館開 show 的歌手。開 show 消息一出，全城即現撲飛熱，上月的信用卡優先訂購，據消息指，門票隨即被秒殺，一票難求。

Source: 英皇娛樂

近日疑似「黃牛」於網上放飛，據消息指，門票被炒至十七萬多一張，雖然霆鋒開 show，但就連母親狄波拉都大呻冇飛，楊博士透露：「阿拉姑都嗌晒救命呀！」

問到英皇集團主席楊受成博士現在是否唔夠膽聽電話，擔心有人打來求飛，楊博士直言：「聽！點會唔聽！我話你哋登記先，到時如果有我就俾你。」再問會否加場？楊博士發揮幽默本色：「你知佢好有性格㗎，冇人可以叫到佢㗎，佢而家諗緊。」

據消息指謝霆鋒《Evolution Nic Live謝霆鋒進化演唱會》門票於網上被炒至超過十萬。

對門票被炒高至六位數字，英皇娛樂集團營運總裁霍汶希 (Mani) 日前跟楊博士、久未露面的四哥謝賢、霆鋒及拉姑團拜，Mani 勸大家要理性購票，「大家咁支持霆鋒當然開心，但希望大家理性啲，唔好咁炒貴啲飛，同埋唔好幫襯黃牛。」