女團 VIVA 真人 show「VIVA Medium Rare House」上集講到 VIVA 玩遊戲整蠱霍汶希 (Mani)，今集輪到 Mani 整蠱 VIVA，找來女高音歌唱家海兒 (Hedy) 夾計，暗示要踢走 VIVA 其中一位成員兼取而代之，實行玩大佢！

Source: 英皇娛樂

一開始節目組向 Hedy 講解整件事的背景，事緣在拍攝前，成員馬思惠 (Macy)因工作安排出現誤會而跟經理人開火，隨後被 Mani 召回公司「照肺」。了解事件後，Mani 表示明白 Macy 離鄉別井隻身來港工作的孤單，但有不開心的事情亦要說出來，公司一定幫忙解決，說到這裏，Macy 便忍不住落淚。

海兒「飾演」奸角，誤導 VIVA 相信由自己補上 

了解整件事的來龍去脈後，原本節目組打算讓 Hedy 教 VIVA 唱歌的點子，立即「轉橋」，改為假裝好想加入 VIVA。首次「飾演」奸角，Hedy 笑言十分喜歡：「我要成為令到佢哋團結嘅契機，最鍾意做奸角，哈哈！」

雖然如此，但 Hedy 坦言擔心 Macy 會生她的氣：「驚呀！我好驚人嬲我，但係完咗今日即刻可以解釋返㗎嘛。」隨後大整蠱馬上開始，Hedy 上到 VIVA 的宿舍，閒聊一輪，Hedy 立即出招：「其實公司而家要我學咗你哋隻舞，唔係一隻，係全部三首歌都要學。」VIVA 十分驚訝並詢問原因，Hedy 假裝不知情：「我都係兩日前 (Macy 與 Mani見面當日) 先知，Mani講。」這時 VIVA 還不以為意，更十分踴躍表示可以教 Hedy；見 VIVA 未有反應，Hedy 再「落藥」說道：「我下個禮拜就要上跳舞堂喇！一對一，阿姐搵俾我。」

Hedy 繼續進擊：「我兩個星期要學晒三隻舞，最重要係〈Morning Call〉。」VIVA 再次追問原因，Hedy 見機不可失，再重申自己是兩日前才知道。

這時 Macy 彷彿意識到甚麼，睜大雙眼兼張開口，原來兩日前見 Mani 時，Mani 對她說過：「其他藝人都係等緊機會，唔好等到資源被人拎咗或者俾咗第二個之後，妳先嚟後悔。」

Hedy 續說：「突然間收到 order『總之妳諗辦法整掂佢』﹐妳哋睇我跳舞就會知我情況有幾惡劣。」這時 Macy 突然小聲地說：「我覺得我嘅情況都好惡劣。」

隨後便播出下集預告，Hedy 說：「我可能要食咗 (女團) 其中一個位。」這時 VALC 向拍攝團隊提出：「等等先，其實係咪真係要錄我哋而家講嘅嘢？我覺得係完全唔出得街。」看來四人已真正墜入「VIVA 換人危機」的陷阱。

【四洲呈獻：VIVA Medium Rare House】Macy同經理人開火！VIVA面臨換人危機？｜EP.8：