《因為是朋友呀2》第五、六集繼續新加坡之旅，容祖兒、蔡卓妍跟鍾欣潼在陸上嘆完美食，轉眼便跑到遊輪，玩到出海。這次她們找來高海寧 (高Ling) 擔任嘉賓，高 Ling 更帶埋媽咪上船玩，講到家人時，阿 Sa 有笑有淚。

Source: 英皇娛樂

四人首先參觀遊輪上的各種活動，最後齊齊試玩「甲板跳傘」，祖兒率先上陣，玩完後，由阿嬌扮演的特約記者上前採訪感受，祖兒大叫緊張：「緊張緊張，成個人都好繃緊，有啲難平衡，大家小心啲，盡量將自己感覺放輕鬆。」

輪到阿 Sa，可能得到祖兒的傳授，能成功飛起一點，玩完後她馬上分享經驗，「我知道嗰個秘訣，你要由腹部開始以下，全部都會捉緊，我而家個 pat pat 好緊呀！」最後輪到高 Ling，只見她不停盤旋，雖然十分搞笑，但大叫很爽。

玩完一輪便去醫肚，高媽媽也一起參與晚餐，席間高 Ling 提到自己跟媽媽的相處時，阿 Sa 亦十分感觸：「入行開始，媽咪一直幫我理財，但係呢幾年真係開始覺得媽咪老啦……」

隨後便哽咽起來，「媽咪開始約我去銀行或者見律師……『你下個禮拜一得唔得閒呀？我哋一齊去銀行…… 去搵一搵律師。』然後媽咪就話：『你知唔知，媽咪真係老啦，我唔係唔想幫妳，只係我怕我冇呢個能力。』…… 佢係希望我學習，我都要自己知道點樣生活……」

阿 Sa 又謂媽媽性格跟她超級似：「譬如病咗，佢唔會同我講；譬如佢要去醫院做一個小手術，但我係你個女嚟㗎嘛，我都希望妳會話我知，但佢就係驚我擔心，但最後都係會被我發現，我發現咗又會好內疚。」

祖兒聽後坦言有相同感覺：「我同媽咪都係咁，有時我會問佢『你要唔要同我一齊去旅行？』以前佢係唔會考慮，會同我一齊飛，但而家嘅佢比較鍾意留喺屋企，所以我希望有更多時間喺屋企陪佢。」