繼去年《Ride It Out》後，泳兒 (Vincy) 開啓她音樂企劃的第三章，2025 年第一炮的作品〈無糖可樂〉正式上架。這次她不再飾演其他角色，因為歌曲的主角正正就是她自己。

Source: 英皇娛樂

一直以來 Vincy 都甚少分享她和伴侶的小日子，她坦言自己並非 sweet 的人：「我係 take action嘅人，譬如佢想我幫佢做啲乜，我會即刻做。我哋兩個都係怕醜嘅人，唔會攬攬，係會大家拍吓膊頭咁樣。」

邀來小塵埃、黃偉文、蘇道哲打造新歌

這次歌曲及 MV 以情侶日常為題，找來情侶組合「小塵埃」合作，寫一首最純粹平實的愛情小品，讓大家感受細水長流的幸福。

歌曲圍繞自己的故事，Vincy 再次邀請她非常信任的黃偉文 (Wyman) 填詞，將自己的愛情日常一一告訴他，Wyman 亦決定為她寫一首關於愛情長跑慶祝紀念日的歌。

最巧合的是，她與 Wyman 分享自己愛情小故事當日，正正就是 Vincy 跟男友的拍拖週年紀念日！編曲監製方面，Vincy 首度邀得蘇道哲合作，盼望能為聽眾帶來更多新鮮感，就如〈無糖可樂〉，新鮮感可以由二人自製，只要找到兩個人的一套生活哲學，一起悶，就不怕悶。

MV 方面，Vincy 亦擔任 Creative Consultant 一職，「有份揀寵物演員，因為我想揀一隻識笑嘅狗，所以就揀咗『細細』。我亦有份負責度故仔，尤其是某啲情節，希望比較貼地，例如有一 part 本身諗住寫字條俾對方，但我覺得現代人多數用電話，所以呢啲細節都會同導演 Sheng 溝通，點樣可以更貼近我嘅生活。」

泳兒 -〈無糖可樂〉(Sugar Free) [Official MV]：

MV 中不少情節都是 Vincy 的日常，她表示最喜歡夜晚睇戲一 part：「因為我覺得兩個人同埋寵物，簡簡單單喺屋企煲劇睇戲已經係一件平淡得嚟又幸福嘅事情。」

Vincy 這次比以往在幕後製作方面的參與度更高，表示自己對拍片、剪片甚有興趣，近期亦勤力為自己剪片，希望累積經驗，日後有一部為自己執導的 MV。