洪卓立 (Ken) 去年馬不停蹄於內地舉行《The Other Planet 巡迴音樂會》，踏入2025 年巡迴繼續，首站佛山門票一開賣迅即售罄，二千八百座位全場爆滿。

Source: 英皇娛樂

Ken 表示音樂會每站都有主題，佛山一站以電影《破．地獄》概念作主題：「睇完《破．地獄》首映後就決定用呢個概念做佛山站主題。雖然個感覺好沉重，但又好想同入場嘅觀眾分享，無論珍惜也好、愛也好，希望每一位入場嘅觀眾都可以拎到啲嘢走。」

選曲方面，Ken 亦精心挑選，特別在 medley 部份，有自己的歌亦有其他歌手的歌，核心 medley 部份包括有：〈你那邊好嗎〉、〈無他〉、〈寂寞的季節〉、〈九秒九〉，以及〈白頭到老〉。

Ken 直言於構思及綵排時已經想喊：「以為自己 handle 到，點知 on show 嘅時候都係忍唔住，呢幾年自己嘅經歷再加埋成個氣氛，handle 到但忍唔住。」

洪卓立安排求婚儀式幫 fans 圓夢。

當晚 Ken 更請來許靖韻 (Angela) 擔任嘉賓：「我做過佢嘉賓，早排又出咗首新的合唱歌〈作賤‧矛盾〉，所以點都要請返佢嚟做嘉賓，唱吓新歌。」除此之外，Ken 又自爆請 Angela 做嘉賓有一個好處 — 因為自己可以「講少啲」，「我唔駛度同佢講啲咩，佢上咗台個『E』人掣一開著咗，連導演 cue 佢，同佢講差唔多要放我落台 quick change 都唔理，我企喺個台度唔知做咩好，哈哈！」

粉絲手作二人曾經合作照片。

Ken「極 I」及 Angela「極 E」這個組合南轅北轍，但二人出奇地合作無間，自從推出合唱歌開始宣傳後笑料百出，作為 I 人的 Ken 更經常被 Angela「強逼營業」，拍攝大量他平時不會拍的相片，令阿 Ken 既無奈又覺得搞笑。