洪嘉豪 (Kaho)、魏浚笙 (Jeffrey) 今日推出合唱歌〈我感覺到〉，MV 充斥滿滿 BL 感覺！為趕及進度，他們於較早前與陳蕾舉行的三人演唱會後便立即趕往澳門進行拍攝，可謂「要 MV 唔要命！」

Source: Warner Music HK

問到於澳門拍 MV 時，「笙豪 CP」繼續發揮一貫無厘頭風格，兩兄弟繼續亂講一通！Jeffrey 表示來到澳門拍攝 MV 感覺到有人文那種快樂。Kaho 說:「感受到 (當地) 特色呀！仲有嗰個葡撻雞蛋仔，你介紹㗎嘛，嗰個嘢真係好嘢！仲要導演請八底（雞蛋仔）呀！多謝導演！」

Jeffrey：「係呀，葡撻嘅雞蛋仔！一次過食咗兩味，葡撻加雞蛋仔，唔洗分開！真係多謝導演！」

兄弟情甜度爆錶

兩位對今次 MV 的演技評價顯得非常謙虛，二人表示對於這種劇情也是新手，最緊要是當下完全投入劇情，盡力做到導演要求，二人更笑說完全沒有一刻「出咗戲！」Kaho 表示除了他們感覺到，亦相信觀眾都一定感覺到！

問二人有沒有最難忘的一場戲份，Kaho 搞笑地回答：「未到啊，因為未收工，收工嗰份戲 (喜) 悅。」Jeffrey 則說最難忘是一大清早便要拍攝追逐戲份。他續說：「(雖然跑咗好多次) 但係好爽嘅，我完全 feel 到導演嗰種安排，係好好㗎！即係佢會覺得大家朝頭早起身都腫呀，咁就跑幾轉先啦！即係做晒體能先，咁夜晚就收返，個寧靜嘅美感。」Kaho 也表示：「梗係跑啦！唔跑幾時跑呀！跑完仲要再打交！」

至於打架場面，兩兄弟繼續「吹」到天花亂墜。Kaho 說：「我哋好似之前都較量過，喺第二度，唔係真係對手，但見到大家嘅拳風嗰啲，其實我哋都係有備而來，至於我哋點解叫做『笙記』、『豪記』，就係因為本身我哋係懂得武術，咩記、乜嘅、風記呀、華記啊。」

Jeffrey：「係一個術語嚟㗎，呢啲真係武術人士先知嘅用語嚟。」Kaho 更搞笑地表示：「我哋呢啲全部都係喺嗰度訓練出嚟，所以唔會話好高難度！唔會有我哋打唔到，只有你哋拍唔到！」

更多精彩 MV 照片：

〈我感覺到〉MV 將於今晚 ( 12 月 5 日) 晚上九時正，於 Jeffrey (魏浚笙) YouTube Channel 首播，敬請期待！