曾傲棐 (Arvin) 早前推出新歌〈頭號粉絲〉，歌曲以粉絲對偶像的愛比喻愛情，冠上粉絲之名繼續偷偷愛對方，就算對方在自己心底沒有名字、沒有位置，也無阻付出，是自己沉下去的理由。而現實生活中，原來 Arvin 亦是日本女團「櫻坂46」的頭號粉絲，早前他更於 Clockenflap 音樂節追星成功，又一成就解鎖。

Source: 英皇娛樂

音樂節當日，Arvin 跟朋友一早到場，趁偶像出場前更把握時間於場內大掃偶像周邊，包括應援棒、應援扇及毛巾等，一切準備就緒，「櫻坂 46」一出場，Arvin 立即拿出應援扇興奮大叫，隨後又跟旁邊的粉繼隨着歌曲齊齊大叫應援口號，十分投入。

曾傲棐到場支持「櫻坂 46」

Arvin 表示關注「櫻坂 46」已有一段時間，只是個小粉絲，說到「頭號」粉絲，是在今次表演後才真正入坑，「我諗鍾意睇表演嘅人都會好明白好多時親身感受到一個團體或者一位表演者嘅魅力，嗰種不能自拔嘅感覺係無可比擬。望住佢哋有種喺台上面發緊光嘅感覺。」他又自爆原來這次是第一次看她們的演出，「有機會嘅話，可能佢哋日後嚟香港開專場都會去！」

曾傲棐心目中頭號粉絲條件

現實中是一名「頭號粉絲」，又推出同名歌曲，問到作為一名「頭號粉絲」需要甚麼條件？Arvin 明言十分簡單，只有一個：「就係愛偶像嘅心。每個人嘅能力、性格唔同，為偶像做到嘅事唔同，但我覺得係完全唔緊要嘅，最緊要盡自己能力，用自己嘅方法支持偶像，默默喺背後 support 佢就夠晒喇！」

而為過偶像做過一件最瘋狂的事，Arvin 坦言因為自己比較內歛，所以說不上瘋狂，「真係將自己偶像出過嘅所有歌聽晒，前奏響一秒就會知道係咩歌。」說到做到，「櫻坂 46」演唱時，Arvin 都識跟住唱，認真厲害。完 show 後，他分享感受：「頭先雖然我做唔到『頭號』，企喺好後面，但企喺遙遠範圍睇已經夠㗎啦！」