由 Marf 邱彥筒、Gao 沈貞巧、Day 許軼、Candy 王家晴、Winka 陳泳伽、Ivy 蘇雅琳及 Sumling李芯駖組成的樂壇女子組合 COLLAR，繼早前舉行成軍以來首個演唱會後，又再有突破，即將在 11 月推出 COLLAR 第一張 EP《UNIT1201》，而 EP 會以公路電影為主題，並由一首序幕歌〈ROAD TRIP〉加四首全新歌曲〈SSS〉、〈CALL BACK IN 20〉、〈AFK？？？〉、〈HOME RUN〉貫穿而成，喻意這兩年多，在路上雖遇到不同天氣，但她們仍勇於歷險，透過EP帶領大家一同踏上這次 Road Trip。

Source: 大國文化

猛人助拳填詞排舞

由年初開始策劃的 EP《UNIT1201》，終於在下月面世，今次 EP 製作團隊陣容鼎盛，除邀請鍾說、Serrini 等為歌曲填詞外，EP 中的一首歌亦有幸請到國際級女團 BLACKPINK 其中一位排舞導師 Taryn 為她們排舞，為加強四首新歌〈SSS〉、〈CALL BACK IN 20〉、〈AFK？？？〉、〈HOME RUN〉的 MV 電影效果，COLLAR 更遠赴越南取景拍攝，務求帶給大家耳目一新感覺。

COLLAR 隊長 –  Gao 沈貞巧

Gao 表示：「EP 以公路電影為主題，講述我哋未來分開咗，各自做緊自己嘅嘢，之後逐一聚集返，然後一起向新道路出發嘅故事。」EP 中的四首歌，儼如四部曲一樣，按着「UNIT1201」的 hints，由 Marf 開始逐一尋找隊友，Marf 指：「今次 EP 嘅概念唔係啲咩總結，而係從新誕生一個多面向嘅 COLLAR 畀大家睇。」

COLLAR 成員 – Marf 邱彥筒

MV 大玩美式風格

COLLAR 成員 – Sumling 芯駖

打頭陣的〈SSS〉昨日推出，〈SSS〉意思是指「濕濕碎」，是 COLLAR 出道以來首次全中文歌曲，由鍾雪填詞，據芯駖指：「之前大家有同鍾說溝通，過程中對方問大家對出走有咩畫面及想法，大家都畀咗好多 idea，所以呢首歌都有好多 COLLAR 的想法及故事在內，同埋『濕濕碎』嘅意思，係我哋都入咗女團一段時間，經歷咗好多嘢後，發現原本之前嘅好多嘢都係『濕濕碎』，所以不用顧慮繼續向前，繼續搵我哋嘅道路。」

COLLAR 成員 – Day 許軼

〈SSS〉MV 無論在造型及背景上，都帶出濃烈的復古美國公路感覺，Day 就笑言〈SSS〉另一特別之處：「雖然係主打歌，但 MV 中係冇我哋隊長 (Gao) 出現，之後劇情係點？同點解冇隊長？大家可以追睇我哋嗰幾個 MV 就會有分曉。」

全英語歌探索方向

COLLAR 成員 – Winka 陳泳伽

究竟 EP《UNIT1201》四首歌曲之中，哪一首最有突破？COLLAR 認為每首均有突破之處，就好似〈HOME RUN〉是她們首支全英語歌曲，Gao 說：「喺語言上已經好有突破，有全中文同英語歌，全英文可以俾其他地方嘅聽眾聽到我哋嘅歌，發掘多啲我哋嘅可能性。」Winka 就認為〈CALL BACK IN 20〉的曲風上最具突破：「聽落會俾人一種好得意同搞笑嘅感覺。」

COLLAR 成員 – Candy 王家晴

至於提到今年 COLLAR 又舉行演唱會又出EP，還定下甚麼目標想挑戰？Candy 指：「嚟緊會去澳門開演唱會，首先做呢個演唱會先，繼澳門之後，衝出其他地方開演唱會，多啲現場表演機會。」

COLLAR 成員 – Ivy 蘇雅琳

Ivy 認為出了 EP 後，最好舉行簽唱會，她說：「好想搞簽唱會，都講咗好耐，而家有 EP，可以簽喺 EP 度。」