三人男子樂隊 Pandora (Pan仔)，由主音吉他 Tony、低音吉他 Anakin (阿勤) 同鼓手Michael (細佬) 組成！上年樂隊以〈安全距離〉首獲兩台冠軍 (903 專業推介加 Chill Club 推介榜) 及於年尾舉辦嘅專場《GALAXY WITHIN》以極速售罄門票後，狀態越戰越勇的三子今年以〈緊急應變逃生法〉、〈反引力塵〉打開第四張專輯概念之門！期間樂迷都有個迷思：「點解 Pandora 由〈風月〉開始都偏向以動畫製作 MV？點解唔拍真人 MV？」Pan 仔笑稱：「因動畫嘅 MV，流量比起真人更好！」當然粉絲 (稱為盒仔) 不接受 Pan 仔的說法，於是長期敲碗真人 MV！

終於來到第三首派台作品〈粉紅泡泡防護罩〉，Pan 仔有感歌曲輕鬆快樂的風格，同時都希望趁年輕有活力時盡情展現於觀眾前，才會鐵定真人拍攝！歌曲主題是關於當我們遇上適合的人，每刻腦袋的思路都充斥住粉紅色，就像濾鏡罩著自己的眼球一樣，無論做甚麼事都滿佈粉紅泡泡，猶如「甜到漏」的人生！所以 MV 故事講述三人於 Café 工作，某天收工就覺得要任性一下，於舖頭做人生最喜愛的事 — 夾 Band！從而感受最極致的快樂，亦帶出不同事情都能讓生活甜蜜令人生美滿。

基於從小到大的關係建立，三子私底下的 bromance 非常濃厚，經常讓人衍生滿滿幻想或懷疑 (除了親兄弟嘅 Tony 與 Michael 能夠避嫌)，Pan 仔：「今次 MV 嘅畫面構造，好有趣亦產生唔同嘅視覺、濾鏡，讓觀眾可以幻想唔同嘅意境，甚至聽到歌曲時幻想喺粉紅泡泡下飄浮同甜笑嘅滿足。不過我哋睇〈粉紅泡泡防護罩〉MV 反而覺得好感動，因為會諗三個老咗，感情仍然好好，會約埋諗返舊時好歡樂嘅畫面，有滿滿嘅『回憶殺』湧出嚟狀態。」

Pandora 潘朵拉樂隊〈粉紅泡泡防護罩 Pink Bubbles〉Official Music Video：