女團 COLLAR 成員邱彥筒 (Marf)，推出年度第二首個人單曲〈心好細 <3〉，上架短短不足一周的時間，已打入了 YouTube 的音樂發燒影片排行榜，網民留言力撐：「YouTube 自動播放時聽到，忍唔住停落嚟睇吓邊個唱，好甜嘅歌。」、「好細個嘅 Marf，大大嘅 potential！」、「Marf 同 George 係兩位我覺得做戲好睇嘅新一代。」

歌曲一改以往跳唱風格，旋律偏慢，是 Marf 出道以來首支慢歌，內容道出她心底裡的不快及自身問題，絕對是一首個人化的作品，為迎合歌曲內容，今次 MV 比較「戲味濃」，因此 Marf 特意邀請劇集《那年盛夏我們綻放如花》的好拍檔 George 歐鎮灝擔任 MV 男主角，實行在螢幕「再續前緣」。

Editor: Meiling Heung
Source: 大國文化

曲風轉變緊張演繹

歌曲〈心好細 <3〉由馮允謙作曲、周耀輝填詞，是一首已籌備兩年的作品，Marf 指：「呢首係自己第一首慢歌，係好 Personal 嘅作品，亦係一首幾唔開心嘅歌，我同周耀輝老師錄咗一個長達 9 分鐘嘅錄音，入面有好多好混亂嘅情緒，佢幫我整合番，寫咗呢首歌，所以我好喜歡歌詞。」作為出道後首支慢歌，Marf 表示在演繹上有點緊張：「呢首歌喺曲風上係我好鍾意嘅嘢，不過我有啲緊張，因為聲音嘅考量多咗，其實我幾喜歡唱呢種節奏，如果係跳舞嘅話，一定係快歌好玩啲。」

作曲人馮允謙由造星已睇好

(圖片來源：Instagram @jayfungmusic)

上周三馮允謙 (Jay Fung) 於個人演唱會邀來 Marf 擔任首場嘉賓，除了首次與她同台演唱〈All That I Want〉，更於台上為 Marf 宣傳新歌〈心好細 <3〉。Jay Fung 於台上力讚 Marf，強調 Marf 參選造星時期，已十分欣賞她，更於兩年前已創作〈心好細 <3〉一曲，希望日後能由 Marf 演唱。

MV 呈現自身問題

雖然〈心好細 <3〉並非以愛情為題，但為容易令大家理解，MV 以愛情作切入點，藉以呈現出 Marf 心底裡的安全感及自身問題，故今次 MV 亦偏向劇情化，Marf 表示：「今次搵 George 做男主角，其實係我同佢有個情意結，大家一齊拍劇，共享咗大家第一套刻骨銘心嘅劇，我相信呢個組合，觀眾會想再睇。」Marf 透露本身希望跟 George 在MV拍一些災害、逃脫等鏡頭，可惜未有機會。George 則指自《那年盛夏我們綻放如花》後，相隔兩年再度合作，笑言有點緊張：「初初有少少緊張，之後就 OK。有個場口要我偷望 Marf 都幾難忘，明明知佢係邊個，又要好似唔知咁，畫面好搞笑。」

Marf 邱彥筒 〈心好細 ‹3 Teeny tiny heart ‹3〉Official Music Video：

Marf 拍完抒情歌 MV 即心癢想拍戲

Marf 於 MV 中的一開頭，跟隨朋友出席 Party ，可是慢熱的她略感自己格格不入，缺乏安全感的她只能夠默默地坐在一旁，George 即於 Marf 一入場已留意到她，隨即坐在 Marf 旁邊守候陪伴。停機後 Marf 表示一拍抒情歌 MV 即有「戲癮」，皆因拍完感覺「唔夠喉」。

至於 Marf 在 MV 中除了考演技，亦要考耐力，皆因其中一幕，她要在天時暑熱下戴着熊啤啤頭套上陣，對此 Marf 謂：「係熱嘅，但一坐埋一邊就好易瞓着，都好舒服。」

Marf 於 MV 中的演出引來不少網民大讚：「Marf 真係好有戲，自然嘅演技令人更投入隻歌。」、「Marf 啲表情真係做得好正，對感情收放自如。」

Marf 邱彥筒〈心好細 <3〉幕後花絮：