由兩大超高顏值混血型男 Bronny 賀邦與 Oscar 方智弘組成的新晉男子組合 OneUp，繼之前推出首支派台歌〈Ten Outta Ten〉後，再推出新歌〈10 號碼頭的半對〉，繼續化身冧歌王子，今次 MV Bronny 與 Oscar 更大派「福利」，除邀請人氣 YouTuber 杮杮 chichi 與 Santis 陳映影分別飾演二人女友外，Oscar 還首度在鏡頭前半裸出浴，大騷六舊腹肌，勁吸眼球！

OneUp 新歌〈10 號碼頭的半對〉講述 Bronny 與 Oscar 兩段淒美的愛情故事，最終都是分手收場，並以海旁作結，將他們的故事串連一起。Bronny 透露今次故事滲透不少個人經歷：「我嗰部分嘅故事都係建基於自己經歷，係慘痛嘅分手故事，但我就唔係喺中環海旁，多數都喺西九海旁，嗰邊經歷會多少少。」Bronny 還表示會透過寫歌來治療失戀，將傷心的情感抒發到歌曲之中；至於 Oscar 自言是偏向失理性，當分手時，他會非常沮喪，會在街頭流男兒淚，沒有任何舒緩方法，唯一只靠等待時間沖淡情傷。

Oscar 於 MV 中化身冧歌王子。

新歌〈10 號碼頭的半對〉有部份取材於 Bronny 於真實世界遇到的愛情故事原型。

奉旨親密勁尷尬

作為 OneUp 第二首派台歌 MV，今次內容及故事性「力度」提升，還邀請了柿柿與
Santis 擔任 MV 女主角，期間 Bronny 與 Oscar 要分別跟她們拍攝親密鏡頭，令
Bronny、Oscar 大呼尷尬，Bronny 說：「多謝公司安排，對於入戲係好有幫助，我哋今次各有故事，我就同杮杮，Oscar 同 Santis，我哋各自有自己女主角，但一開始，喺溝通上都有啲尷尬，唔敢講嘢，之後熱咗身就 OK 啲，到埋位就冇咗包袱。」Oscar 就表示：「第一次同女主角拍情侶橋段嘅戲，未試過咁近距離接觸，真係怕醜。」

不過今次 MV 另一亮點，絕對是 Oscar 首度在鏡頭前半裸出浴、濕身騷肌，而拍攝出浴戲前，Oscar 坦言十分緊張，又狂做掌上壓谷肌：「都幾緊張！雖然對自己身材有信心，但始終有好多人睇住，一隊 crew 都十幾個人望住我，真係好尷尬，好彩入到浴室，狀態轉換咗啲，成件事先冇咁尷尬。」至於被問到拍出浴鏡頭還是跟女主角親密戲尷尬？
Oscar 就表示：「我會形容同女主角開頭拍嗰一兩幕係最尷尬，最大尷尬係未熟對方，唔知佢性格係點，又未傾過偈，一嚟差不多面貼面，幸好之後傾過偈熟絡了，成件事先冇咁尷尬。」

(左至右) Oscar 方智弘、Santis 陳映影、杮杮 chichi、Bronny 賀邦

OneUp – 〈10 號碼頭的半對〉Official MV：