洪嘉豪 (Kaho) 新歌〈拜託〉剛剛推岀 MV，新歌找來 Larry Wong 作曲、編曲及監製，及一直合作無間的陳詠謙填詞。新歌講述失戀後寧願一人靜靜消化也不希望旁人過份關心的想法與感受。

Source: Warner Music HK

今次 MV 找來榮獲金馬獎及香港電影金像獎最佳新演員的謝咏欣飾演女主角，而 Kaho 則飾演兼職出租的男友，偶然接下了有言語障礙的女主角邀請，陪伴她透過瘋狂購物及暴飲暴食發洩心中情緒，即使 Kaho 自己也未走出自身傷痛亦很不解女主角當中用意，但相處一整天後，最後女主角邀請 Kaho 一起暴飲暴食發洩，令 Kaho 似乎找到釋放情緒的方法。

Kaho 最新 MV〈拜託〉邀來電影《但願人長久》女主角謝咏欣出演。

拍攝即日學習手語演出獲讚

二人更因 MV 劇情需要學習手語，女主角於拍攝 MV 當日才收到手語教學，只能於拍攝空檔趁機學習，但拍攝時能兼顧演技及手語一 take 過，認真犀利！一向寵粉的 Kaho，更在 MV 拍攝前及推出後，每次見粉絲也做岀「拜託」的手語手勢，偷偷地向粉絲透露蛛絲馬跡，十分貼心！

MV 中謝咏欣找來 Kaho 當出租男友，陪自己購物、吃大餐。

Kaho：「今次呢隻歌新歌叫〈拜託〉，其實係講一個人失意嘅時候未必需要太多嘅安慰，但係需要陪伴，同大家講唔洗理我，唔洗過問但你係度就得㗎啦！」

Kaho 首次為 MV 創作劇情

MV 中 Kaho 又要暴飲暴食又要嘔，是否算是最辛苦的 MV 拍攝？Kaho 表示:「今次 MV 可能係我咁多個 MV 入面算係幾輕鬆，雖然都要日曬雨淋，都要出啲汗，但係其實已經冇之前〈黑玻璃〉咁要上雪山、〈只要你不尷尬〉咁拍咗廿幾個鐘嘅辛苦，但係今次拍攝過程有暴飲暴食同埋嘔嘅部分，而其實我唔係真嘔，嗰啲係威化餅加奶，都原來幾好食㗎喎哈哈！至於大家見到我好真實咁嘔，嗰啲係戲嚟，所以演技係有㗎！」

Kaho 首次嘗試為新歌 MV 創作劇情，問到 Kaho 可有設計一些情節讓自己拍得舒服點？他笑說：「今次 MV 自己都有份參與創作嘅過程，咁其實有冇創作一啲劇情令到自己舒服啲呢？係有嘅！大家留意到 MV 主角係女仔，咁所以赤腳行、辛苦啲嘅就交哂比佢哈哈！」

MV 劇情需要謝咏欣於馬路上赤腳奔跑，Kaho 則開著愛車於身後陪伴。

被問到現實中有沒有想過找出租女友或嘗試一下做出租男友？他表示現實中暫時沒有需要出租女友，認為比起戀愛好像一場交易，也沒有想過要做出租男友，他笑說：「咁當然如果有銀碼好大嘅睇下有冇人搵我做⋯⋯ 哈哈哈！」而現實中的 Kaho 失戀時希望自己有一個過渡，還是希望有成班朋友玩樂忘記前任？他回應：「我都想啲朋友喺身邊，但係我又唔會講 (訴苦)，都係有呢首歌嘅精髓喺度，所以呢首歌好啱我！」

電車 IONIQ 5 N 出現於新 MV

Kaho 續說：「繼〈黑玻璃〉MV 後今次再有車嘅元素，其實我今年都好想放多啲車嘅形象落 MV，所以而家有少少擔心下一個 MV 唔知放咩車落去好，哈哈！好開心今次搵咗現代一個表現好勁嘅電車 IONIQ 5 N，其實我自己都心儀咗呢架車好耐，好想試亦都好想擁有，見到實物覺得靚好多。因為我自己本身係比較抗拒電車，但原來電車可以有一個咁嘅表現，我係好震驚嘅！」

繼〈黑玻璃〉後今次 MV 再放入車的元素。

洪嘉豪 Hung Kaho – 〈拜託 Please〉 (Official Music Video)

洪嘉豪 Hung Kaho – 〈拜託 Please〉幕後花絮：