由周家怡及周國賢 (Endy) 主演的 ViuTV 原創劇集《無人之境》日前播出，二人密密為劇集宣傳。最近家怡和李靖筠 Gladys 的 YouTube 講車節目《恨駕女團》大受歡迎，二人以同名在 YouTube 開了全新平台，主理人之一的家怡便找來劇中的老公 Endy 任嘉賓，家怡除了跟同樣是愛車之人的 Endy 大談車經，更分享恐怖偷窺經歷！

Source: 英皇娛樂 EEG

這次拍攝團隊借來「Porsche 2023 Taycan」，家怡表示對於電車其實不太熟悉，亦沒開過「波子」的電車，所以很想嘗試開「波子」電車，Endy 亦謂只開過一、兩次電車，但感覺怪怪的，不過在試完這輛「波子」後，二人異口同聲大讚：「好好玩、好爽，呢個 performance 係正喎！轉彎嘅時候係張住個地下，唔覺佢係電車，感覺好好。」

遊完車河後，二人到餐廳醫肚兼吹水，談到拍劇時人前人後兩個樣，家怡自言有時可以很可愛，有時又可以很凶狠，Endy 即謂她留短髮時拍戲的氣場令他害怕！

家怡隨即分享她凶狠的一面，話說有一次她在某餐廳用廁時，她發現了一個手機鏡頭探入廁格內，初時她以為是朋友的惡作劇，大聲喝罵：「喂！做咩啊！唔好玩啦！」相機鏡頭隨即被收起，她才意識到應該不是朋友的惡作劇。

「如果係 friend 嘅，應該就會笑。去完廁所之後我一行出去，我嗰個氣場真係勁！我出到去向住全餐廳問頭先邊個怕我！大家呆咗，我見到有閉路電視，我話 play 個閉路電視睇！我嗰個樣突然變咗一個豪氣大家姐。原來係個老闆！」家怡補充道。

家怡表示當時看到有一個人衝了出門口，隨即向職員了解，才知道原來那個人是老闆的「太子仔」，後來這位「太子仔」竟若無其事地走回來問發生甚麼事，家怡當刻回應：「唔使咩事啦，拎個電話出嚟俾我睇！你應該洗咗㗎啦？頭先你衝咗出去！唔好再問做乜嘢，你 play 個閉路電視，你都唔係第一次㗎啦！」對於此類變態事件感到不寒而慄！

偷拍事件聽到 Endy 嘩嘩聲，他又謂自己很「吸」這類事件：「細個十歲、十一歲，買咗個餐自己坐喺度食等朋友，之後有一個頭髮好似 Barcode 咁樣嘅人無啦啦行埋嚟話：『喺度做乜嘢呀？喺度等人呀？』然後佢隻手就擺落我大髀，我當時着短褲，我覺得好核突！梗係即刻走啦！我當時好驚，佢個頭又油又有陣味！呢啲嘢真係防不勝防，有時去酒店都有啲驚！」

【恨駕女團 EP24】周家怡 x 周國賢 x Porsche Taycan 分享恐怖偷窺經歷